सिनेमा संवादमा कला,सस्कृति र जीवनलाई जोड्ने माध्यम बनेको ओलीको भनाई

इटहरी / नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले शुक्रबार सातौं नेपाल अन्तर्राष्ट्रिय चलचित्र महोत्सव (एनआईएफ) मा राजेश हमालसंग गरिएको `सिनेमा सम्वाद´ कार्यक्रममा कला, संस्कृति र साहित्य मानव जीवनको अभिव्यक्तिको सुन्दर प्रस्तुति भएको बताएका छन् । उनले कला, संस्कृत र चलचित्रको सुन्दर प्रस्तुति समाजका विभिन्न कुनालाई प्रस्तुत गरेको बताएका हुन् । कार्यक्रममा उनले कला, संस्कृति र जीवनलाई जोड्ने महत्वपूर्ण माध्यम चलचित्र बनेको दाबी गरे । उनले जीवनका उतारचढावलाई सही ढंगले प्रस्तुत गर्ने माध्यम कला भएको दाबी गरे । संवाद कार्यक्रममा अभिनेता राजेश हमालले चलचित्र र कलाको राजनीतिक पक्षलाई एकीकृत गर्न आवश्यक रहेको बताउँदै यो साहित्यिक अभिव्यक्ति स्वतन्त्रताको राम्रो माध्यम बन्ने बताए । उनले कला र सिनेमालाई मानव स्वतन्त्रताको वकालत गर्ने मात्र नभएर सहरको राजनीतिमा पनि प्रमुख भूमिका निर्वाह गर्ने बताउदै चलचित्रले प्रत्यक्ष र अप्रत्यक्ष रुपमा राजनीतिक व्यक्तित्वको विषयलाई प्रस्तुत गरेको उल्लेख गरेका छन् ।