चैत्र ९ गतेदेखि देश तथा बिदेशमा प्रदर्शनमा आउने चलचित्र “महाजात्रा´´ को ट्रेलर अहिले युटुबको फिल्म सेक्सनको ट्रेन्डिङ १ मा आएको छ।
प्रदीप भट्टराई लिखित तथा निर्देशित फिल्म ‘महाजात्रा’ को ट्रेलर दुई साता अघि सार्वजनिक गरिएको थियो । ओएसआर डिजिटल युट्युब च्यानलमार्फत फिल्मको सार्वजनिक ट्रेलरमा पैसा लुकाउन गरिएकाे संघर्षलाई देखाइएको छ।
जात्रा , जात्रै जात्रापछिको तेस्रो सिक्वेल “ महाजात्रा´´ फिल्ममा हरिवंश आचार्य, विपीन कार्की, रवीन्द्रसिंह बानियाँ, रविन्द्र झा, वर्षा राउत, दिव्य देव, गौमाया गुरुङ, शिशिर वाङदेल, प्रकार घिमिरे, प्रविन खतिवडा, अर्जुनजंग शाही, अरविन खड्कालगायत कलाकारको अभिनय छ।
षट्कोण आर्टस ब्यानरमा निर्माण भएको फिल्ममा म्याक्स दीपेश खत्री र यज्ञश्वर पौडेल निर्माता छन्।फिल्मका कार्यकारी निर्माता रवीन्द्रसिंह बानियाँ हुन्।पुरुषोत्तम प्रधानले छायांकन गरेको फिल्मलाई मित्रदेव गुरुङले सम्पादन गरेका हुन्।
Discussion about this post