इटहरी । नेपाल आइडल सिजन २ विजेता गायक रवि ओड फिल्ममा डेब्यु गर्ने भएका छन् । उनी ऋषिराज आचार्यको निर्देशन रहने फिल्म ‘द्रौपदी’बाट अभिनेताको रुपमा देखिन लागेका हुन् । फिल्ममा उनी विशेष भूमिकामा देखिने बताइन्छ । फिल्ममा सङ्गीत समेत ओडको रहनेछ ।
जेल्सन अधिकारी, सुजाता तिमल्सिना, विष्णु ठडराई फिल्ममा रविको अलावा आश्विनी शाही, कविराज भाम, प्रकाश ज्ञवाली, सीता बौडेल, सुरज अधिकारी लगायतका कलाकारको अभिनय रहने छ । फिल्मका छायाकार मोहनकुमार झिल्लु हुन् ।
फिल्मको आगामी बिहीबार डोल्पाबाट छायाङ्कन सुरु भएको छ । अन्तर्राष्ट्रिय बजारलाई मध्यनजर गरेर फिल्म निर्माण हुन लागेको हो । फिल्मको स्क्रिप्ट ४ वर्ष लगाएर लेखिएको निर्देशक आचार्यले बताए ।
ऋषिराज आचार्य, विष्णु ठडराई (सुवास), प्रकाश ज्ञवाली निर्माता तथा खेमराज भण्डारी र ऋतु आचार्य सह–निर्माता रहेको फिल्मको लेखक पनि निर्देशक आचार्य नै हुन् । फिल्मको सम्पूर्ण छायाङ्कन डोल्पामै गरिनेछ ।
Discussion about this post