‘बहुरुपी औरत’ भन्दै पुजा शर्मा लक्षित समीक्षा अधिकारीको स्ट्याटस

इटहरी/ गायिका समीक्षा अधिकारी पछिल्लो समय सामाजिक संजालमा बदला, आक्रोश भावका स्ट्याटसहरु पोस्ट गर्न थलेकी छन् । केही समयअघि एक स्ट्याटसमा पल शाहलाई लक्षित गर्दै स्ट्याटस पोस्ट गरेकी थिइन् भने अहिले पुजा शर्मा लक्षित स्ट्याटस पोस्ट गरेकी छन् । बुधबार समिक्षाले सामाजिक संजाल फेसबुकमा एक स्ट्याटस लेख्दै ‘बहुरुपी औरत’ अर्थात बहुरुपी नारी भनेकी छन् । समिक्षाले सिधै अभिनेत्री पुजा शर्माको नाम त उल्लेख गरेकी छैनन् । तर, उनको सो स्ट्याटसले सिधै पुजा शर्मा मानसपटलमा आउँछ ।

पल शाहलाई जवर्जस्ती करणीको मुद्दा लाग्दै गर्दा पुजा र पल अभिनित ‘म यस्तो गीत गाउछु २’ पनि प्रदर्शनको तयारीमा थियो । सो बेला पल शाह फिल्मका कुनैपनी कार्यक्रम र हल भिजिटमा देखिएनन् । सो बेला पुजा शर्मा जति जति हलमा पुग्थिइन्, रोई हाल्थिइन् । त्यसैले उनले रोएरै उक्त फिल्म चलाएको आरोप पनि लाग्दै आईरहेको थियो । अहिले समिक्षाले सोही कुरालाई कोट्याउदै ‘अस्ति सिनेमा चलाउन रोएको नाटक गर्यौ’ भनेर लेखेकी छन् ।

उनले थप लेख्दै ‘हिजो उसैलाई नानाथरी भन्दै मेरो पाउ परेउ। आज फेरि आफ्नो फाईदाका लागि उतै तिर चाकडी गर्दै रहेछौ।’ भनेकी छन् । पल शाह जेलबाट निस्किएपछी पुजा, समिक्षासंग नजिकिएकी थिइन् । स्मरण रहोस्, बिचमा पल र पुजा बिचको सम्बन्ध बिग्रीएको हल्ला चलेको थियो भने केहिअघि पल शाहको जन्मदिनको बेला पुजाले आफुहरुको मित्रताको बर्णन गर्दै जन्मदिनको शुभकामना दिएकी थिइन् । पछिल्लो समय सुदर्शन थापाले निर्माण तथा निर्देशन गर्ने फिल्म ‘रामायण’मा पल शाह र पुजा शर्माको जोडि बाँधिने चर्चा चलिरहेको छ । यो फिल्मको निर्मात्रीमा पुजा समेत रहने बताईएको छ । यसैले पनि समिक्षाले स्ट्याटस नै लेखेर बहुरुपी औरत भन्दै मन शान्त पार्न खोजेको हुनसक्छ । समिक्षाको उक्त पोस्टको कमेन्टमा समेत संजाल प्रयोगकर्ताहरु धेरैले पुजा शर्माको नाम अड्कलेका छन् ।