इटहरी/ अहिले हलहरुमा अभिनेता नाजिरको फिल्म अगस्त्य च्याप्टर १ प्रदर्शनसंगै फिल्मबाट उनको तारिफ बढ्दो क्रम जारी छ । यस्तैमा ब्यस्त रहेका अभिनेता नाजिर हुसेन फिल्म ‘केटी हराएको सूचना’मा अनुबन्धित भएका छन् । सोमवार स्कृप्ट पुजा गर्दै फिल्म ‘केटी हराएको सूचना’को घोषणा गरिएको छ ।
ट्राईसिटि पिक्चर्स प्रोडक्सन कम्पनीबाट निर्माण हुन लागेको यो फिल्ममा दिपेन्द्र गौचनको लेखन तथा निर्देशन रहेको छ । उनले यसअघि चर्चित टेलिसिरियल ‘उजेली’ निर्देशन गरेका थिए । यस फिल्ममा नाजिरसंगै अभिनेत्री सृष्टि श्रेष्ठको पनि मुख्य अभिनय रहनेछ भने यो जोडि पहिलोपटक फिल्ममा सहकार्य गर्नेछन् ।
नकिम उद्दिमको लगानी रहेको फिल्म बिहीबारबाट काठमाडौं र जनकपुरबाट छायांकन गरिने निर्माण पक्षले जनाएको छ भने अम्बर महर्जन ले छायांकन गर्नेछन् । दर्शकहरूलाई नयाँ फिल्मबाट नयाँ खालको कथामा नयाँ स्वाद पस्किदै आएका नाजिर निकै उत्साहित देखिन्छन् ।
Discussion about this post