इटहरी/ पछिल्लो समयका ब्यस्त अभिनेताको रुपमा गनिन्छन् दयाहांग राई । यातिबेला उनको हातमा दर्जनबढि फिल्महरु छन् । केहि छायांकन गर्दैछन भने केहि रिलिजको पर्खाई त केहि फिल्महरु छायाँकनको पर्खाईमा छन् । यस्तैमा फिल्म छायांकन घोषणा संगै चर्चामा आएको फिल्म ‘डिग्री माइला’ को फर्स्ट लुक पोस्टर अर्थात फिल्मका प्रमुख अभिनेता दयाहांग राईको क्यारेक्टर लुक्स सार्वजनिक गरिएको छ ।
बिहिबार फिल्मका पटकथा लेखक तथा निर्देशक रामबाबु गुरुङ्गले सामाजिक संजालमा उक्त पोस्टर सार्वजनिक गर्दै आउँदो २०८१ सालको नयावर्षमा फिल्म सार्वजनिक प्रदर्शनमा आउने जानकारी गराए । सार्वजनिक पोस्टरमा दयाहाङ्ग राईलाई मात्रै फिचर्ड गरिएको छ । सुटबुट लगाएर काठको कुर्सिमा बसेका अभिनेता राई निराश देखिन्छन् । जसले गर्दा पनि फिल्मप्रति कौतुहलता थपिएको छ ।
डिग्री माईलामा शैक्षिक बेरोजगारीको कथा प्रस्तुत गरिएको छ । यो फिल्मलाई यसअघि नाटकको रुपमा प्रस्तुत गरिएको थियो । यो फिल्ममा प्रमुख भूमिकामा देखिएका अभिनेता दयाले नै उक्त नाटकलाई निर्देशन गरेका थिए । बासुरी फिल्म्सको प्रस्तुति तथा सुष्मा प्रोडक्सनको सहकार्यमा निर्माण गरिएको फिल्ममा दयाहाङको अलवा आँचल शर्मा, विजय बराल, माओत्से गुरुङ, बुद्धि तामाङ, प्रकाश घिमिरे लगायतको अभिनय रहेको छ ।
Discussion about this post