‘उपहार’ को गीत सार्वजनिक, फिल्मका मुख्य कलाकारहरुको रमाइलो ठुम्का

इटहरी/ आउँदो फागुन २५ गतेबाट देशव्यापी प्रदर्शनमा आउने फिल्म ‘उपहार’को नयाँ गीत सार्वजनिक भएको छ । ‘मुटुको चार आना’ बोलको डान्सिङ गीतको भिडियोमा फिल्मका प्रमुख कलाकारहरूले ठुम्का हानेका छन् । सार्वजनिक गीतमा लोकप्रिय गायिका समीक्षा अधिकारी र महेन्द्र बि.क.को स्वर समावेश गरिएको छ । यस्तै मुक्त उदासको शब्द रहेको गीतलाई अर्जुन पोख्रेलले संगीत गरेका छन् भने भिडियोमा कबिराज गहतराजको कोरियोग्राफी रहेको छ । यो फिल्मको यसअघि वाह वाह वाहलाई युट्युबमा ४० लाख भन्दा बढी पटक हेरिएको छ ।

उक्त गीतमा बाबुल गिरी र एलिना चौहानको स्वर रहेको छ भने रेखा थापा, मुकुन भुषाल, पूजा शर्मा, समर्पणजंग कार्की, बेनिशा हमाल, तेज गिरी सो गीतको भिडियोमा फिचर्ड थिए । ज्ञानेन्द्र देउजाले निर्देशन गरेको फिल्म उपहारमा रेखा थापा, बेनिशा हमाल, पूजा शर्मा, मुकुन भुषाल, तेज गिरी, समर्पणजंग कार्की, शिशिर राना, अंशु थापालगायत कलाकारको अभिनय रहेको छ । हेर्नुस भिडियो

यस वर्षको मिस्टर नेपाल उपाधि जितेका समर्पणजंग कार्कीले यहि फिल्मबाट नेपाली सिने उधोगमा अभिनेताको रुपमा डेब्यू गर्दैछन् । फिल्मको कथा सुलक्षण भारतीले लेखेका हुन् भने सुलभ प्रतिक र समीक्षा देउजा निर्माता रहेको फिल्मका कार्यकारी निर्माता बलराम शाही ठकुरी हुन् । फिल्म उपहारसंगै फागुन २५ मा नेपाली फिल्म ‘काँडेतार’, ‘रङ्गेली’, र ‘लोकल हिरो’ले आफ्नो प्रदर्शन मिति तय गरेको छ ।