इटहरी/नेपालकी चेली मेनुका पौडेलले ‘इण्डियन आइडल’को मञ्चमा तहल्का मच्चाइरहेकी छिन् । टप १४ मा पुगेकी मेनुकाले पाश्र्व गायनमा समेत डेब्यू गरेकी छिन् । ‘इण्डियन आइडल १४’को नयाँ भागमा यो कुराको जानकारी गराइएको थियो । मेनुका आफैले पनि यो आफ्नो करिअरको कोसे ढुंगा भएको उल्लेख गरेकी छिन् ।
प्रशान्त निलको निर्देशनमा तयार भएको साउथ स्टार प्रभाष केन्द्रीय भूमिकामा रहेको डिसेम्बर २२ तारिखबाट विश्व बजारमा रिलिज हुन लागेको फिल्म ‘सलार’मा उनले गीत गाउने मौका पाएकी हुन् । कुन गीत भन्ने खुलाइएको छैन । उनले गाएको गीत नखुलाइए पनि स्टुडियोमा गएर गाउँदै गरेको दृश्य भने सार्वजनिक गरिएको छ ।
मेनुकाले स्टुडियोमा गएर गीत गाउँदै गरेको दृश्य देखेर ‘इण्डियन आइडल’का निर्णायकहरु भावुक बनेका थिए । एउटा ब्लकबस्टर ब्यानरको फिल्मबाट उनले गीत गाउने मौका पाउनु आफैंमा सुखद कुरा हो । यो गीतले मेनुकाको करिअरलाई नयाँ उचाइमा लैजाने विश्वास सबैको छ ।
Discussion about this post