इटहरी/गायक बिशाल निरौला र गायिका मेलिना राईको सुमधुर स्वरमा नयाँ गीत ‘ए माया’ सार्वजनिक भएको छ । हिमसागर बमले रचना गरेको यस गीतमा उनले आफै संगीत दिएका छन् । आफूले माया गरेको सग सगै भएर पनि एक हुन् नसकेको भावलाई उतारिएको यस गीतमा गायक निरौलाले संगीत संयोजन र मिक्सिङ्ग तथा मास्टरिङ्गको काम हेरेका छन् ।
अलंकार स्टुडियोमा रेकर्ड गरिएको ‘ए माया’ बोलको गीत भिडियोमा मदन खड्काको नृत्य निर्देशन रहेको छ । गीतको भिडियो उपत्यका वरपर छायांकन गरिएको र त्यहिको दृष्यहरु राखिएको छ । दिनेश तामाङ्गले निर्देशन गरेको भिडियोमा उषा उप्रेती र निर्देशक तामांङ्ग आफै फिचर्ड भई प्रमुख अभिनय गरेका छन् ।
करण चैसिरको छायाङ्कन तथा बिकाश ज्ञवालीले सम्पादन गरेका छन् । यो गीत मात्र नभई धेरै युवाको भावना रहेको र गीत गाउनको लागि मात्र हुँदैनन्, गीतले ठुलो सङ्ख्याको भावनालाई छुन सक्नुपर्छ । मनको भावना लाई उतार्दै निर्माण गरिएको ‘ए माया’ म्युजिक भिडियो यस्तो छ । हेर्नुहोस् भिडियो ।
Discussion about this post