इटहरी/ कोशी प्रदेशको इटहरीमा रहेर विगत १३ वर्षदेखी निरन्तर कला पत्रकारिता गर्दै आएका सुवास संकल्प चलचित्र पत्रकार संघ, नेपालको कोशी प्रदेश शाखा सचीवमा निर्विरोध चयन भएका छन् । उनी परिकला मिडिया प्राली द्वारा संचालित यस परिकला न्युज डटकमका प्रकाशक हुन् । यस्तै संघको अध्यक्षमा धरानकी सन्जु राई चयन भएकी छन् भने उपाध्यक्षमा बिराटनगरका बिरेन्द्र कुमार शाह, कोषाध्यक्षमा रस्मि थापा, सहसचिवमा बिकल श्रेष्ठ निर्विरोध चयन भएका छन् ।
यस्तै सदस्यहरुमा तुल्सी प्रसाद निरौला, निशान कंडेल, गोपाल काफ्ले, सोम सुनुवार, सृजना श्रेष्ठ, आन्छुमे नसान (लावती) चयन भए भने नवनिर्वाचित कार्यसमितिले अन्य केहि सदस्यहरु मनोनयन गर्ने निर्णय गरेको छ । प्रदेश शाखाको बिशेष साधारण सभाबाट सन्जुको नेतृत्वमा उक्त प्रदेश शाखा गठन भएको हो । साधारण सभामा संघका केन्द्रीय अध्यक्ष समीर बलामी, उपाध्यक्ष कुबेर गिरि, महासचिव रघुनाथ सापकोटा, केन्द्रीय सदस्य कुमार आचार्यको उपस्थिति रहेको थियो । कोशी प्रदेशका तत्कालीन अध्यक्ष नरेन्द्र बस्नेतको अध्यक्षतामा साधारण सभा सम्पन्न भएको थियो ।
यस्तै यहि मेसोमा चलचित्र पत्रकार संघ नेपालको झापा, इलाम र मोरङ्ग जिल्ला शाखा समेत गठन भएको छ । सुनसरी शाखा यसअघि नै गठन भएको थियो । यसर्थ अब चलचित्र पत्रकार संघ, नेपालको कोशी प्रदेशमा ४ ओटा जिल्ला शाखा र एउटा प्रदेश शाखा भएको छ भने नेपालभर १२ ओटा शाखा स्थापन भएको छ । इलाम शाखामा अतीत योङहाङको अध्यक्षतामा १५ सदस्यीय तदर्थ समिति गठन भएको छ । समितिको उपाध्यक्ष दुर्गेश भट्टराई, सचिव सुनिता मगर, सहसचिव तारा खाती र कोषाध्यक्षमा सरिता राई छनौट भएका छन् ।
सदस्यहरूमा एलिना गुरूङ, त्रिलोचन अधिकारी, शुसिल मोरोहाङ, सुनिल शङ्कर, केशव भट्टराई, मिलन मुखिया, उमेश लिम्बू, रोशन काफ्ले, सृष्टि कुरूम्बाङ रहेका छन् । इलाम जिल्ला भेलाले पाँच सदस्यीय सल्लाहकार समिति समेत गठन गरेको छ । सल्लाहकार समितिमा सटेन्द्र जबेगु, विप्लव भट्टराई, बुद्धमाया सोङ्मी, केवल तामाङ र सुरेश पोर्तेल रहेका छन् भने तीन सदस्यीय प्रदेश प्रतिनिधि छनौट गरेको छ । जसमा सोम सुनुवार, सृजना श्रेष्ठ र काकीराम लावती (आन्छुमे नसान) रहेका छन् ।
त्यस्तै झापा शाखाको अध्यक्षमा रमेश तिवारी चयन भएका छन् । १५ सदस्यीय छानिएको कार्यसमितीम समीर सुवेदी उपाध्यक्ष, सचिव एकराज प्रधान, सहसचिव सुरज प्रधान कोषाध्यक्ष शुभला तामाङ र सदस्यहरूमा सन्तोष न्यौपाने, उद्धव पुरी, निराजन निरौला, सुनिता तामांग, अस्मिता सांखी, दिपेन भेटवाल, सन्तोष शर्मा, अभिषेक धमला, नगेन्द्र नेपाल र रवि किरण वान्तवा रहेका छन् । यता चलचित्र पत्रकार संघ नेपालको मोरङ्ग शाखामा प्रेम देवानको अध्यक्षतामा १५ सदस्यीय तदर्थ समिति गठन भएको छ । समितिको उपाध्यक्ष हुसेन सेख, सचिव सन्तोष बास्तोला, सहसचिव निरोज मल्ल, कोषाध्यक्ष सरिता कर्माकार तथा सदस्यहरु अपरोज हवारी, कप्लेस यादव, एलिसा रायमाझी, दिपेश रोक्का, अफ्ताप अली चयन भएका छन् ।
Discussion about this post