इटहरी/ नव-गायक सुशान्त केसीको स्वरमा ‘लै लै’ बोलको गीत युट्युबमा सार्वजनिक भएको छ । आरएण्डबी पप शैलिमा तयार गरिएको गीतको भिडियोमा पनि गायक केसी नै फिचर्ड भएका छन् । गीतलाई रचना तथा संगीत पनि गायक केसीले नै गरेका हुन् । राम डंगोलले एरेन्ज गरेको ‘लै लै’ गीतलाई गोबिन सुनुवारले मिक्सिङ तथा मास्टरिङ गरेका हुन् ।
भिडियोलाई अमृत सुनुवारले निर्देशन तथा छायांकन गरेका छन् । रमाइलो पार्टिमा साथिभाई भेटघाट र त्यसभित्र देखिने मायाप्रेमका भावहरुलाई सार्वजनिक गीतको भिडियोमा प्रस्तुत गरिएको छ । आरएल स्टुडियोमा रेकर्ड गरिएको सार्वजनिक गीतको भिडियोमा गायक सुशान्तसंग मोडल स्मृती श्रेष्ठ फिचर्ड भएकी छन् । यो गीतको भिडियो यस्तो बनेको छ ।
यी २ को क्यामेस्ट्री भिडियोमा खुबै जमेको देख्न सकिन्छ । सुशान्त र स्मृतीसंगै भिडियोमा एरिक विश्वकर्मा, अनिसा मैनाली, करिना कार्की लगायतका कलाकारहरु समेत फिचर्ड छन् । दावा बाल तामाङको नृत्य निर्देशन रहेको भिडियोमा कलाकारहरुलाई स्वस्तिका श्रेष्ठले शृंगार तथा केश सज्जाको कार्य गरेकी छन् । माधब बेलबासेले सम्पादन गरेको भिडियोलाई ओएसआर डिजिटलको युट्युब च्यानलबाट सार्वजनिक गरिएको छ ।
Discussion about this post