इटहरी/ ‘राष्ट्रिय चलचित्र पुरस्कार’ जितेको हिट फिल्म ‘आमा’को सिरिज निर्माण हुने निर्देशक दीपेन्द्र के खनाल र निर्मात्री शर्मिला पाण्डेले घोषणा गरेका छन् । निर्मात्री शर्मिला पाण्डे र निर्देशक दीपेन्द्र के खनालले एक भिडियो सन्देश सार्वजनिक गर्दै फिल्म निर्माण हुन लागेको र तिहार पछि छायांकन हुने पनि जानकारी दिएका हुन् ।
उनले, अहिलेसम्म कलाकार कोही पनि फाइनल नगरिएको समेत जानकारी दिइन् । निर्देशक खनालले धेरै हिट फिल्म निर्देशन गरेका छन् भने अब अर्को हिट फिल्म ‘आमा’को सिक्वेल निर्देशनमा लागेका छन् । निर्देशक खनालले फिल्म ‘पशुपति प्रसाद २ः भष्मे डन’ पनि निर्देशन गरेका हुन् ।
Discussion about this post