इटहरी/उदय सुब्बा निर्देशित फिल्म ‘दुई कदम’को टाईटल गीत सार्वजनिक गरिएको छ । मुस्ताङमा खिचिएको सार्वजनिक गीतमा डेव्यु अभिनेता इओन लिम्बु र सिमोन गिरी फिचर्ड छन् । डी.पी. खनालको शब्दमा तारा प्रकाश लिम्बुले संगीत दिएका छन् । भने यस गीतमा गायिका प्रबिशा अधिकारी र गायक सी.डी. विजय अधिकारीको स्वरमा इओन र सिमोन रोमान्टिक अवतारमा प्रस्तुत छन् ।
अजम्बरी फिल्मस्को व्यानरमा निर्माण भएको सिनेमा आगामी मंसिर २९ गतेबाट रिलिज हुँदैछ । मुस्ताङमा एक गीतको छायांकन गरिएको सिनेमाको बाँकी छायांकन पूर्वका धनकुटा, तेह्रथुमको वसन्तपुर, इलाम, झापा र धरानमा गरिएको हो । तारा देवी लिम्बुको लगानीमा बनेको यस फिल्ममा उदय सुब्बाको निर्देशन रहेको छ । हेर्नुहोस भिडियो ।
फिल्ममा इओन र सिमोनका अलवा गौरभ पहारी, सुनिल थापा, प्रेम सुब्बा, कविता आले, बुद्धि तामांग, अर्जुन गुरुङ, बिमला, जीवन लिम्बु, चन्दा दाहाल, प्रतिक शर्मा लगायतका कलाकारहरुको अभिनय रहेको छ । राम जी लाममिछानेले कोरियोग्राफ गरेको यस भिडियोलाई बिक्रम डी.सी.ले छायांकन तथा प्रविन दाहालले सम्पादन गरेका हुन् । दयाराम घिमिरेको कथा तथा पटकथा लेखन,ताराप्रकाश लिम्बु र विकास चौधरीको संगीत,राजु किराँतीको द्वन्द्व निर्देशन सिनेमामा रहेको छ ।
Discussion about this post