इटहरी/ बलिउडकी सुप्रशिद्व गायिका अल्का याग्निकले गाएको पहिलो नेपाली गीत ‘मन भए पिरती’ सार्वजनिक भएको छ । बलिउड फिल्ममा उनले गाएको हजारौ हिट गीतहरु छन् । उनले नेपाली गीत गाएको भने यो पहिलो पटक हो । भारतकै अरु धेरै लोकप्रिय गायक गायिकाले भने नेपाली सांगीतिक क्षेत्र र फिल्मका लागि धेरै गीतहरु गाइसकेका छन् ।
उनले यस गीत भारतकै अर्का सुप्रशिद्व गायक अभिजित भट्टाचार्यसँग गाएकी हुन् । भट्टाचार्यले स्व अभिनेता श्री कृष्ण श्रेष्ठको चलचित्र कोहिनूरमा पार्श्व गायन गरेपछि गाएको यो अर्को नेपाली गीत हो । सो गीत रिभाइभ एल्बममा समावेश छ । हेर्नुस् भिडियो ।
एबी ड्रिम्स क्रिएसन नामक युट्युब च्यानल मार्फत सार्वजनिक भएको उक्त गीतमा मणि शर्मा रिजालको शब्द रचना र क्रिश रिजालको संगीत रहेको छ । भारतको मुम्बईमा अवस्थित एबी स्टुडियो एण्ड साना स्टुडियोमा सो गीत रेकर्ड भएको हो । उक्त गीतको म्युजिक भिडियोमा अभिनेत्री केकी अधिकारी र लचु शर्माको अभिनय रहेको छ । त्यसैगरी सुरेन्द्रमन सिंहले छायाङ्कन तथा सम्पादन र बिशाल गुरुङले निर्देशन गरेका छन् ।
Discussion about this post