इटहरी/ चर्चित नेपाली अभिनेत्री सुरक्षा पन्तले आफ्नो मताधिकार प्रयोग गरेकी छन् । उनले रुपन्देही निर्वाचन क्षेत्र नम्बर २ अन्तर्गत बुटवलबाट मतदान गर्दै आफ्नो बहुमूल्य मत खसालेकी हुन् । मतदानपछि तस्वीर सहित सामाजिक सञ्जालबाट एक स्ट्याटस सार्वजनिक गर्दै पन्तले सम्पूर्ण नेपालको शान्ति, सुरक्षा र बेजोड एकताको कामना गरेकी छन् ।
उनले देशमा कसैले पनि आँखा लगाउन नसक्ने बलियो एकताको धरातल निर्माण हुनुपर्नेमा जोड दिएकी छन् । उनले लेखेकी छन्, “सम्पुर्ण नेपालको शान्ति, सुरक्षा र कसैले पनि आखाँ लगाउन नसक्ने बेजोड एकताको धरातलमा रही भावी पुस्ताले बारम्बार मागिरहेको अदम्य प्रगतिको कामना गर्दै बहुमूल्य मत पठाइयो । हामी सबैको मत समय-सार्थक रहोस् ।”
@parikalanewsofficial
भावी पुस्ताले खोजिरहेको प्रगतिको चाहनालाई सम्बोधन गर्न यो निर्वाचन महत्त्वपूर्ण हुने उनको भनाइ छ । निर्वाचनमा अभिनेत्री पन्तलगायत अन्य कलाकर्मीहरूको उत्साहजनक सहभागिताले आम मतदातालाई पनि आफ्नो मताधिकार प्रयोग गर्न थप प्रेरित गरेको छ ।
Discussion about this post