इटहरी/ नेपालको प्रतिनिधिसभा निर्वाचन सम्पन्न भएपछिको पहिलो रिलिजका रूपमा दर्शकमाझ आउन लागेको नेपाली फिल्म ‘लालिमा’ ले आफ्नो सांगीतिक प्रचारप्रसार सुरु गरेको छ । आगामी फागुन २९ गतेलाई प्रदर्शन मिति तोकिएको यस फिल्मको पहिलो गीत ‘तिमीलाई माया गर्छु’ आइतबार ओएसआर डिजिटलको युट्युब च्यानलमार्फत सार्वजनिक गरिएको हो । निर्माण पक्षले सार्वजनिक गरेको यस भिडियोमार्फत फिल्मको गम्भीर कथावस्तुको संकेत दिन खोजेको छ ।
नायिका रोशनी कार्की र नायक जीवन भट्टराई फिचर्ड यस गीतमा उनीहरू बीचको रोमान्सका साथसाथै गहिरो द्वन्द्व पनि देख्न सकिन्छ । विशेषगरी, भिडियोमा नायिका रोशनीको चरित्रलाई यौन व्यवसायमा जोडिएको र उनी मानसिक रूपमा विक्षिप्त अवस्थाबाट गुज्रिरहेको देखाइएको छ, जसले दर्शकमा कौतूहल जगाउँछ । सार्वजनिक भिडियोमा उषा रजक, शिशिर वाङ्देल र सुष्मा निरौला, सविन कट्टेल लगायतका अन्य कलाकारहरूको अभिनयका झलकहरू पनि समावेश गरिएको छ । हेर्नुस् भिडियो ।
https://www.youtube.com/watch?v=fwpaNnnto98
सार्वजनिक गीतमा प्रीति कौरको स्वर तथा स्वयं प्रीति कौर, रोशन मिराज र केएम जोशीको शब्द समावेश गरिएको छ । गीतमा संगीत, एरेन्ज र मिक्सिङ केएम जोशीको रहेको छ । ‘फेथ आस्था’ को प्रस्तुति रहेको यस फिल्मकी कार्यकारी निर्माता रीना लामा हुन् भने यसलाई रोशन मिराजले लेखन तथा निर्देशन गरेका हुन् । चुनावी माहोलपछि हलमा दर्शक तान्ने यो एक मात्रै फिल्मलाई नेसनल सिने ग्रुप नेपालले वितरण गर्दैछ ।
https://www.tiktok.com/@parikalanewsofficial?_t=ZS-8vSZuJcyBPu&_r=1
Discussion about this post