इटहरी/ गत दशैँको फूलपातीमा प्रदर्शन भई दर्शकको मन जित्न सफल फिल्म ‘हरिबहादुरको जुत्ता’ को निर्माण टोलीले आफ्नो नयाँ प्रोजेक्ट घोषणा गरेको छ । एसएम मोसन पिक्चर्सले ‘हरिबहादुरको जुत्ता’ पछि आफ्नो दोस्रो प्रस्तुतिको रूपमा फिल्म ‘श्रीनिवास’ निर्माण गर्ने औपचारिक जानकारी दिएको हो ।
नयाँ फिल्ममा वरिष्ठ कलाकार हरिवंश आचार्य र युवा अभिनेता अभिषेक खड्का मुख्य भूमिकामा देखिने पक्का भएको छ । यही माघ २३ गते रिलिज हुन लागेको फिल्म ‘कुमारी’ बाट डेब्यु गर्न लागेका अभिषेक पछिल्लो समय फिल्म रिलिज अगावै चर्चामा छन् । अनुभवी हरिवंश र नयाँ पुस्ताका अभिषेकको जोडीलाई पर्दामा हेर्नु रोचक हुने अपेक्षा गरिएको छ ।
फिल्मको निर्देशन सजन काफ्ले र आकाश बरालले संयुक्त रूपमा गर्नेछन् । यसअघि यो जोडीले चर्चित फिल्म ‘बेहुली फ्रम मेघौली’ निर्माण गरेको थियो । यस्तै, फिल्मको पटकथा तथा संवाद लेखनको जिम्मा अभिमन्यु निरावीले पाएका छन् । ‘श्रीनिवास’ को निर्माण सरोज ओली र मोहितवंश आचार्यले गर्नेछन् । निर्माण टिमका अनुसार फिल्मको औपचारिक घोषणा गरिए पनि अन्य कलाकार तथा प्राविधिक टिमबारे भने क्रमशः जानकारी गराइनेछ ।
@parikalanewsofficial
Discussion about this post