एकसमयको लोकप्रिय गीत ‘दुधै फाटेसी’ नयाँ भर्सनमा, विष्णु माझी र राजनराजको स्वर

इटहरी/ केही वर्षअघि नेपाली लोक दोहोरी क्षेत्रमा तहल्का मच्चाएको गीत ‘दुधै फाटेसी’ पुनः नयाँ स्वरुपमा सार्वजनीक गरिएको छ । श्रोताहरूले अत्यधिक रुचाएको यो गीतलाई समयको माग अनुसार परिमार्जन गर्दै नयाँ शैलीमा सार्वजनिक गरिएको हो । यो गीतको पुरानो संस्करणमा सुमधुर स्वरकी धनी विष्णु माझी र राजु परियारको सहकार्य थियो भने संगीत संयोजन बीबी अनुरागीले गरेका थिए ।

तर, अहिले सार्वजनिक भएको नयाँ संस्करणमा भने ठूलो परिवर्तन गरिएको छ । नयाँ भर्सनमा गायिका विष्णु माझीलाई लोकप्रिय गायक तथा संगीतकार राजनराज शिवाकोटीले स्वरमा साथ दिएका छन् । शिवाकोटीकै शब्द र संगीत रहेको यस गीतमा श्याम श्वेत रसाइलीले आधुनिक एरेन्जमेन्टमार्फत नयाँ प्राण भरेका छन् । गीतको म्युजिक भिडियो पनि निकै स्तरीय बनेको छ । भिडियोको निर्देशन चर्चित निर्देशक मौसम हिमालीले गरेका छन् । हेर्नुस् भिडियो ।

भिडियोमा गायक राजनराज शिवाकोटी स्वयं देखिएका छन् भने उनलाई अभिनयमा सुनिशा बजगाई, प्रभात पल ठकुरी र जुना बिश्वकर्माले साथ दिएका छन् । पवन सुस्लिङ्गको छायांकन र सम्पादन रहेको यो भिडियो ‘गज्जवको टिभी’ मार्फत बजारमा सार्वजनिक गरिएको हो । पुरानो गीतको जगमा टेकेर बनाइएको यो नयाँ सिर्जनाले दर्शकलाई कति आकर्षित गर्छ, त्यो भने हेर्न बाँकी छ ।