प्रवीण खतिवडाको फरक लुक्ससहित ‘शिवांश’को टिजर रिलिज

इटहरी/ “सुरुआत नै अन्त्य हो र अन्त्य नै शिवांश”, यो दार्शनिक र रहस्यमय संवाद बोल्दै फिल्म ‘शिवांश’ ले आफ्नो प्रचार यात्रा थालेको छ । निर्माण पक्षले आज युट्युबमार्फत सार्वजनिक गरेको छोटो तर अर्थपूर्ण टिजरले दर्शकमा निकै कौतुहलता जगाएको छ । सार्वजनिक टिजरमा रिल र रियल लाइफमा अब्बल मानिने अभिनेता प्रवीण खतिवडालाई सन्तको भूमिकामा प्रस्तुत गरिएको छ ।

हातमा त्रिशूल बोकेर मन्दिर अगाडि उभिएका उनको लुक्स, ओजपूर्ण आवाज र टिजरको कलर ग्रेडिङले फिल्म सस्पेन्स जनरामा बनेको संकेत गर्छ । यद्यपि, निर्माण टिमले फिल्मको कथावस्तुबारे कुनै पनि कुरा खुलाएको छैन । सन्तोष कुमार आत्रेयको डेब्यु निर्देशन रहेको यो फिल्म महाशिवरात्रिको अवसर पारेर आगामी फागुन १ गतेदेखि प्रदर्शनमा आउने पक्का भएको छ । हेर्नुस् टिजर ।

@parikalanewsofficial

अञ्जान सिनेमा प्रोडक्सन हाउसको प्रस्तुति रहेको फिल्मका निर्माता अञ्जान केसी हुन् भने उनले नै फिल्मको कथा लेखेका हुन् । फिल्ममा प्रवीण खतिवडाका साथै तेज गिरी र रुषा न्यौपाने मुख्य भूमिकामा छन् । साथै विकास जोशी, विमला लिम्बू, प्रदीप कुमार चौधरी, सबिर चुरौटे, उदय कुमार सुब्बा, टीका निरौला, कुन्दन लगायतको अभिनय हेर्न सकिन्छ । फिल्मको सांगीतिक पक्ष निकै बलियो देखिएको छ ।

@parikalanewsofficial

न्ह्यू बज्राचार्य र राजनराज शिवाकोटीको संगीत तथा विप्लव प्रतीक र राजनराजको शब्द रहेको फिल्ममा राजनराज, मिलन नेवार र समीक्षा अधिकारीको स्वर सुन्न सकिन्छ । प्राविधिक पक्षतर्फ सरद महतोको छायांकन, मिलन श्रेष्ठको द्वन्द्व निर्देशन, विक्रम चोहानको कोरियोग्राफी र सुलक्षण भारतीको स्क्रिप्ट डक्टरिङ रहेको छ । बारत लिम्बूको स्क्रिनप्ले रहेको फिल्ममा विराज खड्का र आदेश सुब्बाले भीएफएक्स रहेको छ । फिल्मलाई डीसीएनले वितरण गर्नेछ ।