इटहरी/ प्रदर्शनको संघारमा रहेको बहुप्रतिक्षित फिल्म ‘आ बाट आमा’ ले दर्शकहरूका लागि एउटा गज्जबको अफर ल्याएको छ । निर्माण टिमले सोमबार ‘कभर गीत प्रतियोगिता’ को घोषणा गर्दै दर्शकलाई फिल्मको हिस्सा बन्ने सुनौलो अवसर दिएको हो । यो ‘च्यालेन्ज’ मा भाग लिनको लागि तपाईंले फिल्मको चर्चित शीर्ष गीत ‘लैजा खबर ए हावा’ रोज्नुपर्नेछ ।
इच्छुकले यो गीतको कभर गाएर भिडियो बनाउनुपर्नेछ । सहभागी हुन चाहनेले आफ्नो सिर्जना माघ १२ गतेभित्र टिकटकमा अपलोड गरिसक्नुपर्नेछ । भिडियो अपलोड गर्दा ओएसआर डिजिटलको टिकटक ह्यान्डल @osrdigitalnp लाई मेन्सन गर्नैपर्नेछ । नत्र भिडियो प्रतिस्पर्धामा गनिने छैन ।
निर्देशक चन्द्र पन्तका अनुसार, प्राप्त भिडियोहरूमध्येबाट सर्वोत्कृष्ट अभिनय वा गायनलाई छानेर माघ १४ गते विजेता घोषणा गरिनेछ । र, विजेताले नगद रु. पचास हजार प्राप्त गर्नेछ । आर्य इन्टरटेनमेन्टको ब्यानरमा बनेको यो फिल्ममा लामो समयपछि विपना थापाको कमब्याक र पल शाहको स्टारडमको ‘फ्युजन’ देख्न पाइनेछ ।
@parikalanewsofficial
साथमा ‘गजिनी’ भिलेन प्रदीप रावत, उषा उप्रेती, सिम्रन पन्त, साइग्रेस पोखरेल, गजित बिष्ट र बेगम नेपालीको अभिनयले दर्शक रिझाउने पक्का छ । निर्देशक चन्द्र पन्तकै कथा र पटकथा रहेको यस फिल्ममा करण सिंह रसाली कार्यकारी निर्माता हुन् भने कृष्ण प्रसाद सुवेदी, ओमकार पन्त, प्रकाशजंग कुँवर, ध्रुव प्रसाद न्यौपाने र क्षितिज ढुंगानाले लगानी गरेका छन् ।
Discussion about this post