इटहरी/ एउटा कलाकारका लागि अवार्ड र ताली भन्दा ठूलो कुरा फ्यानको ‘क्रेज’ र प्रेम हो भन्ने कुरा हालै सामाजिक सञ्जालमा सार्वजनीक एक भिडियोले प्रमाणित गरिदिएको छ । चर्चित गायिका रचना रिमाललाई प्रत्यक्ष देख्दा एक फ्यानले आफूलाई थाम्न सकिनन् र खुसीको आँसु बगाइन् । ती फ्यानको सरलता र रचनाप्रतिको अगाध प्रेम उक्त भिडियोमा देखिन्छ ।
सार्वजनिक भिडियोमा ती फ्यानले आफ्नी प्रिय गायिका रचनालाई भेट्दाको भावुक क्षण कैद भएको छ । रचनालाई नजिकै पाउँदा ती फ्यानको अनुहारमा एकातिर खुसीको सीमा थिएन भने अर्कोतिर हर्षका आँसु थामिएका थिएनन् । भिडियोमा ती फ्यानले रचनाको तारिफ गर्दै ‘जिरो प्रतिशत एटीट्युड’ भएकी कलाकार लेखेकी छन् ।
सो भिडियोमा रचनाले पनि निकै आत्मीयताका साथ उनलाई सम्हाल्दै र सँगै बसेर फोटो खिच्दै गरेको देखिन्छ । सो भिडियोलाई रचनाले टिकटकमा देखेपछि हालै आफ्नो फेसबुक एकाउन्टमा राखेकी छन् । उनले उक्त भिडियो सँगै ‘म त हजुरहरूको मायाले बाँचेकी मान्छे । टिकटकमा यो भिडियो भेटेँ, उहाँको आँखाबाट खसेको आँसु देखेपछि आफैलाई आँसु आयो । यति कामना गर्छु, यो माया र आशीर्वाद जोगाइरहन सकूँ ।’ भनेर लेखेकी छन् ।
@parikalanewsofficial
Discussion about this post