थारु डान्स गीत ‘चल्गे छौरी’ सार्वजनिक, रचनासँग बालकृष्णको डान्स र रोमान्स

इटहरी/ थारु कला र संस्कृतिलाई आधुनिक शैलीमा प्रस्तुत गर्दै थारु भाषाको नयाँ गीत ‘चल्गे छौडी’ सार्वजनीक गरिएको छ । परम्परागत थारु लय, भाषा र आधुनिक क्लब डान्स बिट्सको उत्कृष्ट समिश्रण रहेको यो गीतले दर्शक तथा श्रोतालाई भरपुर मनोरञ्जन दिने अपेक्षा गरिएको छ ।

यो गीत तथा भिडियोमा केवल मनोरञ्जन मात्र सीमित छैन । निर्माण पक्षले यो गीत आफ्ना स्वर्गीय मित्र पुष्प कुमार चौधरी (पुस्पे) को सम्झनामा समर्पित गरेको छ । उनको मित्रतालाई अमर राख्ने र साङ्गीतिक माध्यमबाट सम्मान व्यक्त गर्ने उद्देश्यले यो भिडियो तयार पारिएको हो । बहुप्रतिभाशाली कलाकार बालकृष्ण थारुको मुख्य भूमिका रहेको यस गीतमा शब्द, सङ्गीत, एरेन्ज र स्वर उनकै रहेको छ । हेर्नुस् भिडियो ।
https://youtu.be/urfys6lg5wc?si=h_QrP_eLtJ1j4WIT
सार्वजनीक भिडियोमा बालकृष्ण थारु र रचना हजारीको मुख्य अभिनय देख्न सकिन्छ । साथै, एल.एन. गच्छदारले अतिथि कलाकारको रूपमा भिडियोमा विशेष भूमिका निर्वाह गरेका छन् । थारु भाषा र कला प्रवर्द्धनमा सक्रिय बगिया इन्टरटेन्मेन्टको प्रस्तुति रहेको यस भिडियोलाई कल्पना हजारी विश्वासले निर्माण गरेकी हुन् । भिडियोको निर्देशन जय चौधरीले गरेका हुन् ।

गीतको अडियोलाई सुवास पौडेलले मिक्सिङ तथा मास्टरिङ गरेका छन् । भिडियोको प्राविधिक पक्ष पनि उत्तिकै बलियो छ । हेमन तामाङले छायाङ्कन, सम्पादन र रङ संयोजन गरेको यस भिडियोको पोस्ट प्रोडक्सन ‘कोशी भिजन फिल्म्स, इटहरी’ मा भएको हो । कलाकारहरूको शृङ्गारको जिम्मा अशोक र अबोध नारायणले सम्हालेका छन् ।

@parikalanewsofficial

विवेक सरदारको कोरियोग्राफी रहेको यस गीतमा निष्ठा थारु, अरबिन चौधरी, दिपक राम र दीप नारायण चौधरी लगायतको डान्स क्रुले कम्मर मर्काएका छन् । निर्माण टिमका अनुसार, यो गीत स्टेज कार्यक्रम, डिजे सेसन र टिकटक प्रयोगकर्ताहरूलाई मध्यनजर गर्दै तयार पारिएको हो, जसले जो कोहीलाई पनि अन्त्यसम्म नाच्न बाध्य बनाउनेछ ।