अभिनेत्री साम्राज्ञी राज्यलक्ष्मी शाहले गरिन् इन्गेजमेन्ट, विवाह कहिले ?

इटहरी/ पछिल्लो समय नेपाली फिल्ममा खासै नदेखिएकी अभिनेत्री साम्राज्ञी राज्य लक्ष्मी शाहले इन्गेजमेन्ट गरेकी छन् । उनले इन्स्टाग्राममा इन्गेजमेन्ट पश्चात २ जनाका केही तस्वीर सार्वजनीक गर्दै हिजो मङ्सिर १ गते इन्गेजमेन्ट भएको लेखेकी छन् । हिजो उनको जन्मदिनको पनि रहेको थियो । सोही अवसरमा उनका फ्यानहरुले यो सरप्राइज पाएका छन् ।

उनले सार्वजनिक गरेको केही इन्गेजमेन्टका फोटोमा साम्राज्ञीले हीराको औंठी लगाएको देख्न सकिन्छ । सोमबार उनले एक युवकसँग इन्गेजमेन्ट गरे पनि उनले हुनेवाला श्रीमान बारे विस्तृत खुलाएकी छैनन् । तर उनको इस्टा पोष्टको ह्यासट्यागमा भने एस एण्ड बी भनेर लेखेकी छन् भने उनले लगाएको पहिरनमा पनि सो उल्लेख छ । यसर्थ बी अल्फावेटबाट उनको हुनेवाला श्रीमानको नाम रहेको बुझ्न सकिन्छ ।

विवाहको मिति पनि उनले सार्वजनिक गरेकी छैनन् । उनले उक्त तस्वीर सँगै हुनेवाला श्रीमानका लागि केही साहित्यिक शब्दहरू समेत पोष्ट्याएकी छन् । उनले यस्तो लेखेकी छन् : “जसका लागि म प्रार्थना गर्थें…
एक शान्त आत्मा, जसले मेरो भाषा बुझेर बोलिदियो,
तिमीप्रति म त्यति धेरै ऋणी छु— जसलाई शब्दहरूले पूर्ण रूपमा समाउन सक्दैनन्।
तिम्रा आँखाहरूले जब मेरा आँखासँग मेल खान्छन्, त्यसबेला एउटा जादू जन्मिन्छ।
एउटा मौन संवाद— जसले हजारौँ कुरा भन्छ।
मेरो हात मजबुत भएर समाइदिएकोमा धन्यवाद,
फेरि नचिप्लियोस् भनेर…
तिमीले मलाई सम्झाइदियौ— प्रेम सजिलो पनि हुन सक्छ।
दयालु, करुणामयी र कोमल रहन,
मेरा हृदयलाई अटल भएर “सधैं र सदाका लागि हो” भनेर समाइरहनुभएकोमा”

@parikalanewsofficial