कोशी प्रदेशको पहिचानमा आधारित फिल्म ‘लडाइँ पहिचानको’ ट्रेलर सार्वजनिक

इटहरी/ पहिचानवादी आन्दोलनको कथालाई मुख्य केन्द्रमा राखेर निर्माण गरिएको नेपाली कथानक फिल्म ‘लडाइँ पहिचानको’को ट्रेलर सार्वजनिक गरिएको छ । आउँदो मङ्सिर ५ गतेदेखि देशव्यापी प्रदर्शनको तयारीमा रहेको यो फिल्मको बिहीबार २ मिनेट ४७ सेकेन्ड लामो ट्रेलर युट्युवमा सार्वजनिक गरिएको हो । भीम लामा फिल्म्सको ब्यानरमा निर्माण भएको यो फिल्म एक्शन र ड्रामा विधामा आधारित छ ।

फिल्मले नेपाली समाजमा पहिचान र सङ्घर्षका व्यक्तिगत तथा सामाजिक चुनौतीहरूलाई गहिराइमा खोतलेको छ भने फिल्मको कथावस्तु कोशी प्रदेशको नामाङ्कनपछि सुरु भएको ‘पहिचानको लडाईं’मा केन्द्रित छ । प्रदेश सरकारले प्रदेश नम्बर १ को नाम ‘कोशी प्रदेश’ राखिएपछि पहिचानको आधारमा नामकरण गरिनुपर्ने माग गर्दै आदिवासी जनजाति, किरात, लिम्बुवान लगायतका पक्षधरहरूले गरेको आन्दोलन र त्यस क्रममा भएका झडप, अवरोध तथा बलिदानलाई फिल्मले भावनात्मक र सङ्घर्षपूर्ण ढङ्गले प्रस्तुत गर्ने अपेक्षा गरिएको छ ।

सार्वजनीक ट्रेलरका अनुसार यो फिल्ममा इन्डियन आइडल विजेता प्रशान्त तामाङ सङ्घर्षको नेतृत्वकर्ताको रूपमा प्रस्तुत भएका छन् । उनीसँगै करिश्मा मानन्धर, धीरेन शाक्य, जेनी घिसिङ, प्रेम सुब्बा, सुरवीर पण्डित लगायतका कलाकारहरू प्रमुख भूमिकामा देखिएका छन् । यस्तै किशोर साम्बाहाम्फे, रोशन शर्मा, सुभास योञ्जन, परशुराम चौधरी, शर्मिला राई, अरुण कुमार प्रधान, दिलु सुब्बा, रामजी बिष्ट, दिनेश कोइराला, कविता राई, छिरिङ लामा, नवीन म्याङबो, डम्बर कुमारी लिम्बू, पाबी थेम्बे, वर्षा राजभण्डारी तामाङ पनि फिल्ममा देखिनेछन् । हेर्नुस् ट्रेलर ।

यता सुदीप लिम्बू, दामोदर सापकोटा, अम्बिका ढकाल, कृष्ण नेपाल, शिव भट्टराई, एल एन गच्छेदार, कर्ण साम्बाहाम्फे, गंगा कुँवर, रमेश कटुवाल, मदन बहादुर राई, मोहन लोप्चन, शर्मिला तामाङ, सीता नार्गेण तामाङ, मङ्गल सिंह तामाङ, नगेन्द्र तामाङ, वीरेन्द्र तामाङ, कला तामाङ, उर्मिला तामाङ, गीता राई, मोतीराम थापा, सूरज कार्की, राजीव हलवाई, शत्रुधन अन्सारी, पुनम चौधरी, विक्रम लिम्बू लगायतका कलाकारहरूको पनि यो फिल्ममा अभिनय रहेको छ ।

फिल्मको सम्पूर्ण छायाङ्कन र प्राविधिक काम सम्पन्न भइसकेको छ र यसको पोस्टर डिजाइन ‘आइडियल डिजाइनर्स’ ले गरेको हो । ओएसआर डिजिटल यो फिल्मको डिजिटल पार्टनरको रूपमा रहेको छ ।

@parikalanewsofficial

फिल्मको लेखन तथा निर्देशन भीम लामाले गरेका छन् भने निर्माताहरूमा भीम लामा, दिलु सुब्बा लुङ्बा, रामजी बिष्ट, उमेश तामाङ रहेका छन् । फिल्मको पटकथा भीम लामा, सरोज केसी, रमेश डी कौशिकले तयार गरेका हुन् भने छायाङ्कन मदन कश्यप घिमिरे, सम्पादन रमेश डी कौशिकले गरेका हुन् । यस्तै फिल्मको सङ्गीत बलराम समल, भीम बस्नेत, दिप्सन लिम्बू, शेखर थापा, सागर तामाङले तयार गरेका हुन् भने बुद्धवीर लामा, भीम लामा, इरान राई, भीम बस्नेत, सागर तामाङ, राज हाङ्ग लिम्बूको गीत यो फिल्ममा समावेश छ ।

फिल्मको एक्सन डाइरेक्टर देव कुमार महर्जन हुन् । लडाइँ पहिचानको फिल्मको गीतमा मणी कुमार लिम्बू, सानू राजा थेगिमले कोरियोग्राफि गरेका छन् भने सहायक कोरियोग्राफरको रुपमा बुद्धिमान तामाङ, प्रवीण किराती रहेका छन् । यो फिल्मलाई देशव्यापी वितरणको अधिकार कुबेर सिने डिष्ट्रिब्युसन प्रा. लि.ले पाएको छ भने डिजिटल पार्टनर ओएसआर डिजिटल रहेको छ ।