विगतको ‘क्रान्ति’ र अहिलेको ‘अराजकता’भन्दै ज्योति मगरको कडा टिप्पणी

इटहरी/ लोकप्रिय लोक तथा दोहोरी गायिका ज्योति मगरले नेपालमा हाल भइरहेका गतिविधिहरूलाई लिएर कडा टिप्पणी गरेकी छिन् । सामाजिक सञ्जालमा एक स्ट्याटस लेख्दै उनले विगतका राजनीतिक आन्दोलनहरूलाई ‘क्रान्ति’ को संज्ञा दिँदै अहिले भइरहेका कार्यहरूलाई भने ‘अराजकता र भाडभैलो’को रुपमा विश्लेषण गरेकी छन् ।

नेपाली नागरिकको हैसियतले आफ्नो धारणा राख्दै मगरले विगतमा भएका राणा शासन विरुद्ध, पञ्चायत विरुद्ध, जनयुद्ध र राजतन्त्र विरुद्धका सबै आन्दोलनहरू ‘व्यवस्था परिवर्तन’ र ‘नेपाली जनताको हकहित’ का लागि क्रान्ति थिए भनी स्वीकार गरेकी छिन् ।

उनले आफ्नो स्ट्याटसमा थप स्पष्ट पार्दै,”नेपालमा भएका हरेक आन्दोलनहरू जति पनि भए, व्यवस्था परिवर्तनको लागि र नेपाली जनताको हकहितका लागि क्रान्ति थियो । भलै लिडरहरूले हाम्रो अपेक्षा पूरा गरे गरेनन्, त्यो फरक हो ।” तर, उनले अहिले भइरहेका घटनाक्रमहरूप्रति भने असन्तुष्टि व्यक्त गर्दै त्यसलाई क्रान्तिको संज्ञा दिन अस्वीकार गरेकी छिन् ।

@parikalanewsofficial

उनले स्ट्याटसमा लेखेकी छिन्, “तर आज जे भइरहेको छ यो क्रान्ति होइन, यो अराजकता र भाडभैलो हो ।” उनले फिल्म “रातो घर” को एक आइटम गीतको अंश उल्लेख गर्दै वर्तमान अवस्थालाई व्यङ्ग्य गरेकी छिन्, ‘केटाकेटी आए, गुलेली खेलाए, मट्याङ्ग्राको सत्यानास ।’ उनले ‘देशको झण्डा ओढेर देश जलाउने’ सच्चा देशभक्तहरूलाई आफूलाई गाली गर्न चुनौती दिएकी छिन् । उनको यो स्पष्ट अभिव्यक्तिलाई धेरैले बौद्धिक भनेका छन् भने सामाजिक सञ्जालमा व्यापक चर्चा पाएको छ ।