इटहरी/ नजिकिँदै गरेको तिहारको छेको पारेर असोज ३१ गते सार्वजनिक प्रदर्शनमा आउने तयारीमा रहेको प्रतिक्षित फिल्म ‘जेरी अन टप’ले आफ्नो दोस्रो गीत ‘कुरौनी’ सार्वजनिक गरेको छ । शनिबार साँझ बुढासुब्बा डिजिटल मार्फत युट्युबमा रिलिज भएको यो गीतलाई दर्शकले सुरुवातमै उल्लेख्य माया दर्शाएका छन् ।
सार्वजनिक भएको छोटो समयमै युट्युबमा आक्रामक भ्यूज बटुलिरहेको यस गीतप्रति दर्शकको प्रतिक्रिया शत प्रतिशत सकारात्मक देखिएको छ । हालसम्म प्राप्त १६ सयभन्दा बढी प्रतिक्रियाहरूमा दर्शकहरूले फिल्मका मुख्य कलाकार अनमोल केसी र जसीता गुरुङको केमेस्ट्रीलाई निकै मन पराएका छन् । विशेषगरी गीतको भिडियोमा अभिनेत्री जसीता गुरुङको आकर्षक नृत्यको खुलेर प्रशंसा भएको छ ।
अधिकांश प्रतिक्रियामा दर्शकले फिल्मको प्रदर्शन मितिलाई व्यग्रताका साथ प्रतिक्षा गरिरहेको उल्लेख गरेका छन् । यो गीतमा भेट्रान संगीतकार कालिप्रसाद बाँस्कोटाको स्वर, संगीत र शब्द रहेको छ । गीतको फिमेल भर्सनमा सोमिया वराइलीले स्वर दिएकी छिन् । यसको मिक्सिङ र मास्टरिङको काम रिकेश गुरुङले गरेका हुन् भने भिडियोमा किरण थापाको कोरियोग्राफी रहेको छ । हेर्नुस् भिडियो ।
@parikalanewsofficial
स्मरण रहोस्, ‘जेरी अन टप’मै समावेश गरिएको केही दिनअघि सार्वजनिक भएको ‘कस्तूरी’ बोलको पहिलो गीत पनि यतिबेला फेसबुक, युट्युब, टिकटक, इन्स्टाग्राम जस्ता सामाजिक सञ्जालहरूमा ट्रेन्डिङमा छ । अनन्या फिल्मस्को ब्यानरमा निर्माण भएको यो फिल्मलाई सुयोग गुरुङले निर्देशन गरेका हुन् ।
सरोज न्यौपानेको प्रस्तुतिमा तयार भएको ‘जेरी अन टप’को कथा हेमराज बिसीले लेखेका हुन् भने पटकथा विस्वास तिमिल्सिनाको छ । फिल्ममा अनमोल केसी र जसीता गुरुङसँगै आँचल शर्मा, केदार घिमिरे, भुवन केसी, उषा खड्गी, सुरक्षा पन्त लगायतका कलाकारहरूको अभिनय रहेको छ । फिल्मको सिनेमाटोग्राफर दुलिप रेग्मी र सम्पादक निमेश श्रेष्ठ हुन् ।
@parikalanewsofficial
Discussion about this post