सलमान खानको ‘ब्याटल अफ गलवान’बाट अनुप विक्रम शाहीको बलिउडमा डेब्यु

इटहरी/ बलिउडको बहुप्रतिक्षित फिल्म ‘ब्याटल अफ गलवान’ मा नेपाली अभिनेता अनुपविक्रम शाहीको प्रवेश भएको छ । यही फिल्मबाट उनले बलिउड फिल्ममा डेब्यु गर्ने भएपछि यतिबेला यो विषय ठूलो चासोको रुपमा रहेको छ ।

शाहीले यसबारे सामाजिक संजालबाट जानकारी दिएका छन् । उनी लेख्छन्, ‘सलमान खान सरसँग एसकेएफ फिल्म्सद्वारा निर्मित र अपूर्व लाखिया सरद्वारा निर्देशित, लद्दाखमा मेरो डेब्यू बलिउड फिल्मको पहिलो तालिका पूरा गर्न पाउँदा साँच्चै सम्मानित र कृतज्ञ महसुस गर्दैछु । अगाडिको यात्राको लागि उत्साहित छु ।’

अपूर्व लाखियाको निर्देशनमा बन्ने यो फिल्म सलमान खान फिल्म्स (SKF) को ब्यानरमा निर्माण भइरहेको छ । फिल्मको लद्दाखमा सम्पन्न पहिलो सेड्युलपछि शाहीले सामाजिक सञ्जालमार्फत यो खुसी व्यक्त गर्दै आफू सम्मानित र कृतज्ञ महसुस गरेको उल्लेख गरेका छन् ।

@parikalanewsofficial

भारतीय सञ्चारमाध्यमका अनुसार, सलमान खान पनि प्रारम्भिक छायांकन सकेर मुम्बई फर्किएका छन् । सन् २०२६ का लागि उच्च प्रतीक्षामा राखिएको यो फिल्म गलवान घाँटीमा २०२० जुन १५ मा भारतीय र चिनियाँ सेनाबीच भएको भिडन्तको कथामा आधारित छ, जसमा सलमानले सैनिक अधिकृतको भूमिका अनुप विक्रम शाहीले निभाएका छन् ।