देशबाहिर रहेर पनि जेनजी आन्दोलनप्रति उपासना सिंह ठकुरीको भावुक अभिव्यक्ति

इटहरी/ अभिनेत्री उपासना सिंह ठकुरीले सामाजिक सञ्जालमार्फत जेनजी आन्दोलनमा सहभागी युवाप्रति आफ्नो भावुक अभिव्यक्ति सार्वजनिक गरेकी छिन् । कामको सिलसिलामा देशभन्दा बाहिर रहेकी उनले आन्दोलनको ऐतिहासिक क्षणमा शारीरिक रूपमा साथ दिन नसकेको पीडा व्यक्त गर्दै युवापुस्ताको साहसिक कदमप्रति गर्व प्रकट गरेकी हुन् ।

उनले, “साथीहरू, परिवार र असंख्य युवाहरूलाई अगाडि बढ्दै, स्वयंसेवक बन्दै आफ्नो भूमिकामा उत्रिएको देख्दा गर्व महसुस हुन्छ । टाढाबाटै हेर्दा पनि युवापुस्ताले देखाएको साहस प्रेरणादायी र भावुक बनाउने खालको छ,” भन्दै फेसबुकमा लेखेकी छन् । देश फर्कने दिन नजिकिँदै गएको बताउँदै उनले फर्किएपछि आफू पनि सकेसम्म योगदान गर्ने इच्छा व्यक्त गरेकी छिन् ।

उनले भनिन्, “शारीरिक रूपमा, पुरै मनले, र सबैको मुटुमा रहेको एउटै आशा-राम्रो नेपाल निर्माणमा म पनि सहभागी हुन चाहन्छु,” उनले लेखेकी छिन् । जेनजी आन्दोलनमा देखिएको युवापुस्ताको सक्रियता नेपाली कला-साहित्य र फिल्म क्षेत्रका व्यक्तिहरूले पनि खुलेर समर्थन गरिरहेको अवस्थामा अभिनेत्री ठकुरीको यो अभिव्यक्ति सार्वजनिक भएको हो ।

@parikalanewsofficial