हर्क साम्पाङ्ग लाई समर्पित गर्दै गीत सार्वजनीक

इटहरी/ देशको समसामयिक परिस्थितिसँग जोडिँदै धरान उप-महानगरपालिकाका मेयर हर्क साम्पाङलाई समर्पित नयाँ गीत सार्वजनिक भएको छ । गीतकार तथा व्रिटिश गोर्खा आर्मी केशव राईको शब्दमा तयार भएको ‘हर्क साम्पाङ आए अब देशको बिकाश हुन्छ’ बोलको यस गीतलाई वरिष्ठ गायक राजेश पायल राई र पछिल्लो समयकी चर्चित गायिका सुनिता थेगिमले स्वर दिएका छन् ।

पवन बान्तावा राईले संगीत भरेको गीतलाई राजु कार्कीले एरेञ्ज गरेका हुन् भने बिशाल राईको निर्देशनमा बनेको भिडियोलाई ध्रुव राई काइला प्रस्तुतकर्ता तथा प्रोड्युसरका रुपमा छन् । गीत सार्वजनिक भएसँगै दर्शक-श्रोताबाट सकारात्मक प्रतिक्रिया आएको गीतकार राईले बताएका छन् । हेर्नुस् भिडियो ।

यसअघि उनले ‘गाउँबेसी’ र ‘आसुको भेल’ जस्ता गीतमार्फत पनि आफ्नो सिर्जना प्रस्तुत गरिसकेका थिए । तर, सार्वजनिक भएको दिनमै सरकारले सामाजिक सञ्जाल बन्द गर्ने निर्णय लिएपछि युट्युव र फेसबुक नचल्दा यस गीतको पहुँचमा असर परेको छ । प्रचार-प्रसार र आम्दानीको प्रमुख आधार मानिने सामाजिक सञ्जाल बन्द हुँदा गीत-संगीत क्षेत्र नै प्रत्यक्ष प्रभावित भएको कलाकार तथा निर्माताहरूको बुझाइ छ ।

@parikalanewsofficial