फिल्म ‘मैझारो’ कार्तिक ७ गते अर्थात् भाइटीकाको भोलीपल्टदेखि प्रदर्शनमा आउने

इटहरी/ पूर्वी पहाडको जीवनशैली, संस्कृति र प्रेमलाई पर्दामा उतार्ने उद्देश्यसहित निर्माण भइरहेको फिल्म ‘मैझारो’ अब दर्शकमाझ आउने मिति तयार भएको छ । अभिनेता विल्सन विक्रम राईको निर्देशन यात्रा यसै फिल्मबाट सुरु हुँदैछ भने यसको प्रदर्शन मिति कार्तिक ७ गते (भाइटीकाको भोलीपल्ट) तोकिएको छ । बिहीबार यो फिल्मको दुई पोस्टरमार्फत प्रदर्शन मिति तय गरिएको हो ।

फिल्मको सार्वजनिक पोस्टरमा धीरज मगर, मिरुना मगर र दीया पुनलाई लिम्बू परम्परागत पहिरनमा प्रस्तुत गरिएको छ, जसले कथामा त्रिकोणात्मक प्रेमको आभास दिन्छ । अर्को पोस्टरमा धीरज र मिरुनाको प्रेमिल दृश्यलाई चिया बगानको पृष्ठभूमिसहित देखाइएको छ, जसले आकर्षक दृश्य प्रभाव पैदा गरेको छ ।

‘मैझारो’मा धीरज, मिरुना र दीयासँगै बुद्धि तामाङ, सुनिल थापा, पुस्कर गुरुङ, अभयराज बराल, माओत्से गुरुङ, कविता आले, रजनी गुरुङलगायत कलाकारहरूको अभिनय छ भने दयाहाङ राई विशेष भूमिकामा देखिनेछन् । फिल्मको कथा स्वयं निर्देशक राईले लेखेका हुन् । निर्माता डिबी राई र सरिना लामाको प्रस्तुती रहेको फिल्ममा छायांकन सौरभ लामाले गरेका हुन् भने सम्पादन मित्र डी. गुरुङले गरेका छन् ।

@parikalanewsofficial