जेरी अन टप टिजर: जसिता, अनमोल र आँचल बीचको प्रेम, माग्नेबुढाको सरप्राइज इन्ट्री

इटहरी/ लामो समयको पर्खाइ पछि फिल्म ‘जेरी अन टप’ ले आफ्नो प्रचारप्रसार लाई सुरु गरेको छ । यो फिल्मको प्रतिक्षामा अनमोल केसीका फ्यानहरु व्यग्र प्रतीक्षामा छन् । सोहीअनुरूप यो फिल्म यसै वर्षको तिहारलाई लक्षित गर्दै असोज ३१ गतेदेखि सार्वजनीक प्रदर्शनमा आउने भएको छ भने फिल्म निर्माण युनिटले सोमबार अफिसियल टिजर समेत सार्वजनीक गरेको छ ।

यो संगै फिल्म युनिटले अब प्रचारप्रसारलाई व्यापक बनाउँदै लैजानेछ । सार्वजनीक टिजर संवादविहीन भए पनि यसले दर्शकमा गहिरो प्रभाव छोड्न सक्ने बनाईएको छ । सो टिजरमा अनमोल केसी, आँचल शर्मा र जसिता गुरुङ बीचको त्रिकोणात्मक प्रेमकथा देखाइएको छ । हिमालबाट सुरु हुने कथा र दृश्यले नै सबैको ध्यान तानेको छ । हेर्नुस् टिजर ।

अनमोलको फ्रेश लुक्स र केदार घिमिरे (माग्ने बुढा) को झल्कोले पुरानो ‘जेरी’को क्रेज पुनः जीवन्त बनाएको छ । फिल्मका दृश्यहरू सगरमाथा बेसक्याम्प, काठमाडौं र मुस्ताङमा छायांकन गरिएको छ, केही दृश्य करोडौंको लागतमा निर्माण गरिएको सेटमा खिचिएका छन् । अनमोल, जसिता र आँचलसँगै भुवन केसी, सुरक्षा पन्त र उषा खड्की पनि फिल्ममा मुख्य भूमिकामा छन् ।

@parikalanewsofficial

कथा हेमराज बिसीले लेखेका हुन् भने पटकथा विश्वास तिम्सिनाले तयार पारेका हुन् । यो फिल्मको निर्देशन सयोग गुरुङ रहेका छन् । सरोज न्यौपानेले निर्माण गरेको जेरी अन टपको संगीतमा कालिप्रसाद बाँसकोटा, जयन जे वाइबा, जोहन चाम्लिङ राई र ब्रिजेश श्रेष्ठ रहेका छन् । फिल्मको अन्तर्राष्ट्रिय वितरण अधिकार एलजी एसोसिएट्सले अष्ट्रेलियाबाहेक लिएको छ भने नेपालमा रीच इन्टरटेन्मेन्ट र एफडी कम्पनीले वितरण गर्नेछन् ।