इटहरी/ बलिउडकी चर्चित गायिका पलक मुचाल पहिलोपटक नेपालमा लाइभ प्रस्तुति दिने भएकी छिन् । आगामी सेप्टेम्बर १९, २०२५ मा काठमाडौंको भृकुटीमण्डपमा आयोजना हुने “पलक मुचाल लाइभ इन नेपाल” कन्सर्टमा उनले आफ्ना लोकप्रिय गीतहरू प्रस्तुत गर्नेछिन् । यस कार्यक्रमको प्रस्तुति वर्ल्डवाइ फिल्म्स नेटवर्क प्रा.लि.ले गर्नेछ भने व्यवस्थापन मनु मिडिया प्रा.लि.ले गर्नेछ ।
आयोजकका अनुसार, नेपाली दर्शकका लागि यसपटकको कन्सर्टलाई अविस्मरणीय बनाउन विशेष तयारी गरिएको छ । कार्यक्रममा बलिउड गायिकासँगै कोरियाली कलाकार सेलिनेडी मटाहारी पनि प्रस्तुति दिनेछिन् । उनले कोरियालीसहित १५ भन्दा बढी भाषामा गीत गाउने क्षमता राख्छिन् र अन्तर्राष्ट्रिय स्तरमा चर्चित छिन् ।
आयोजक संस्थाका अध्यक्ष देव मगर र इभेन्ट म्यानेजर मनिष कार्कीले नोरा फतेहीको कन्सर्टबाट सिकिएको अनुभवलाई यसपटक अझ प्रभावकारी ढंगले प्रयोग गरिने बताएका छन् । साथै, नेपाली कलाकारहरूको पनि उत्कृष्ट प्रस्तुति रहने तयारी भएको छ । टिकटको मूल्य र बाँकी जानकारी चाँडै सार्वजनिक गरिने आयोजकले जानकारी दिएका छन् ।
@parikalanewsofficial
Discussion about this post