इटहरी/ भविष्यका सम्भावना बोकेका विद्यार्थीहरूलाई प्रतिभा देखाउने मंच बनाउँदै सुष्मा गोदावरी कलेज ईटहरीले ‘मिस्टर एण्ड मिस सुष्मा’ प्रतियोगिताको सुरुवात गरेको छ । पहिलो अडिसनमा ५० जना महिला र २० जना पुरुष विद्यार्थीको सहभागिता रहेको थियो । कलेजले आगामी भदौ २० गते हुने स्वागत समारोहकै दिन यो प्रतियोगीताको ग्रान्ड फिनाले आयोजना गर्ने जनाएको छ ।
त्यसअघि विभिन्न चरणका प्रतिस्पर्धा तथा प्रशिक्षण मार्फत उत्कृष्ट प्रतिभा छानिनेछन् । ओपन स्पेस प्रालिका सञ्चालक सरोज श्रेष्ठका अनुसार प्रतियोगितामा सहभागी विद्यार्थीको सम्पूर्ण खर्च कलेजले नै बेहोर्नेछ भने उनीहरूलाई विशेष तालिममार्फत अझ निखारिने योजना छ ।
त्यसैगरी, कलेजका बीबीएस कोअर्डिनेटर हरि भट्टराईले पढाइसँगै अतिरिक्त गतिविधिमा संलग्नताले विद्यार्थीहरूको आत्मविश्वास बढ्ने मात्र होइन, भविष्य निर्माणमा समेत टेवा पुग्ने विश्वास व्यक्त गरे । यो प्रतियोगिताको सम्पूर्ण व्यवस्थापन ओपन स्पेस प्रालिले गरिरहेको छ ।
@parikalanewsofficial
Discussion about this post