विराज भट्टको रगतले लतपतिएको लुक्स सार्वजनिक गर्दै ‘राम नाम सत्य’ को शुभसाइत

इटहरी/ नयाँ वर्षको छेको पारेर आगामी चैत्र २७ गतेदेखि प्रदर्शनमा आउन लागेको फिल्म ‘राम नाम सत्य’को आज ललितपुरको बंगलामुखी मन्दिरमा क्यामेरा पूजासहित शुभसाइत गरिएको छ । माइकल इन्टरटेन्मेन्ट हाउसको व्यानरमा निर्माण हुने यो फिल्मको निर्देशन माइकल चन्दले गर्दैछन्, जसले यसलाई आफ्नो ‘सपनाको फिल्म’ भन्दै अभिव्यक्ति दिएका छन् ।

शुभसाइतसँगै फिल्मको नायक विराज भट्टको एङ्ग्री लुक्स सार्वजनिक गरिएको छ, जसमा उनको एक्सन छवि स्पष्ट झल्किएको छ । भट्टले ‘१२ गाउँ’पछि यस प्रोजेक्टमा काम गर्न लागेको उल्लेख गर्दै कथावस्तु निकै पावरफूल भएको बताए । यस्तै, सुशिल श्रेष्ठले पनि कथा उत्कृष्ट रहेको भन्दै दर्शकको साथको अपेक्षा व्यक्त गरे ।

फिल्ममा विराज भट्ट र सुशिल श्रेष्ठसँगै आयुष सिंह ठकुरी, सुपुष्पा भट्ट, दिव्या रायमाझी, खुशी कार्की, सुनिल थापा, अर्पण थापा, कनिज कोइराला, रवि गिरी र दिनेश डीसीको प्रमुख भूमिका रहनेछ । उपेन्द्र सुब्बा र स्वेता विमलीको निर्माणमा तयार हुँदै गरेको यस फिल्ममा किशोर भट्ट र डा. डीआर उपाध्याय कार्यकारी निर्माता छन् ।

कथा र पटकथा स्वयं निर्देशक चन्दकै रहेको यस फिल्ममा डीओपीमा संजय लामा, एक्सनमा श्री श्रेष्ठ, संगीतमा अर्जुन पोखरेल, बाबुल गिरी, एसडी योगी र नवाज अन्सारी छन् । कोरियोग्राफी विक्रम स्वाँर र सियोन श्रेष्ठले गर्नेछन् भने क्रियटिभ निर्देशक निरज ठकुरी, कास्टिङ डिरेक्टर नविन जंग शाही रहेका छन् ।

@parikalanewsofficial

चितवन र काठमाडौंमा छायांकन हुने यो फिल्मको निर्मातामा उपेन्द्र शाही, मोती कार्की क्रियटिभ निर्माता, राजेन्द्र आचार्य लाइन प्रोड्युसर, अभिमन्यू निरवी र समय थापा स्क्रिप्ट कन्सलट्यान्ट, विदुसी थापा प्रोडक्सन डिजाइनर, तेज विक्रम केसी प्रोडक्सन म्यानेजर र संझना राई मेकअप आर्टिस्टको रूपमा छन् । यसलाई अझ प्रभावशाली बनाउन पोस्टर फोटोग्राफी विवेक बस्यालले र डिजाइन विजय बस्यालले गरेका छन् भने कलर राजेन्द्र मोक्तानको रहनेछ । फिल्मको छायांकन केही दिनमै सुरु हुने बताइएको छ ।