५ सय टेक चर्चा र माग्ने राजा विवादमा बोलिन पवि, ‘आफैँले थुकेको थुक चाट्न सकिदैन्’

इटहरी/ फिल्म ‘माग्ने राजा’को चलिरहेको फन्डामा मिस पविको नाम पनि मुछिएपछि उनको आलोचना र चर्चा व्यापक चुलिएको छ । ती कुराहरूमा हालसम्म चुप बसेकी पविले एक अन्तर्वार्तामा बोलेकी छन् । उनले विस्तृतमा आफूमाथि भएको बदनामीको नालीबेली खोलेकी छन् । उनले छायांकनको क्रममा निर्देशकबाट आफूमाथि भएको चित्त दुख्ने कुराहरुले गर्दा ढोका बन्द गरेर एक्लै रुनुपरेको तीतो अनुभव सुनाईन् ।

उनका अनुसार, निर्देशकले आफूलाई थर्काएको समेत बताईन् । “तिम्रो बारेमा बोलेर न्युजवालासँग किन नराम्रो हुनु ?” भन्दै थर्काउदा आफूलाई नराम्रो महसुस भएको सुनाईन् । यस्तै उनले पछिल्लो समय ५०० टेक लिएको हल्लाको बारेमा पनि बोलेकी छन् । आफ्नो सिन अन्तर्गतको न्यूज आधी पढदा केही शब्दहरू उच्चारणमा समस्या आएपछि छायाङकन गर्न ३ घण्टा लागेको स्वीकार गरिन् । तर, तीन घण्टाको अवधिमा ५०० टेक लिनु असम्भव भएको बताउँदै समाचारमा आएको कुरा झुटो भएको दाबी गरिन् ।

उनले पारिश्रमिक पनि पुरा नपाएको बताउँदै सिन कटौती गरेपछि पारिश्रमिक नपाएकोमा आफूले पनि केही नबोलेको अन्तर्वार्तामा सुनाईन् । यस्तै उनले अब आफ्नो बद्नामी गर्नेको यो फिल्म नहेर्ने भन्दै ‘आफैँले थुकेको थुक चाट्न नसक्ने’ अभिव्यक्ति दिइन् ।

@parikalanewsofficial

उनले ‘कमेडी दरबार’को सुटिङसँग माग्नेराजाको आफ्नो सुटिङ मिति जुधेपछि आफूले एक दिन सार्न अनुरोध गर्दा त्यसपछि कोही पनी सम्पर्कमा नआएको र न्युजहरु सार्वजनिक हुन थालेको बताउँदै यस्ता प्रहारले आफ्नो करियरमा ठूलो धक्का लागेको उनले सुनाइन् । हाल माग्ने राजामा माग्ने बुढा सँग बोल्दै गरेको उनको एउटा मात्रै सिन राखिएको छ, त्यो एउटा सिन किन राखिएको हो आफूलाई थाहा नभएको उनको भनाइ छ ।