इटहरी/ लामो समयपछि नेपाली फिल्म क्षेत्रका दुई लोकप्रिय अभिनेत्री रेखा थापा र पूजा शर्मा एकसाथ पर्दामा देखिने भएका छन् । यी दुई सुपरस्टार सवीर श्रेष्ठको निर्देशनमा बन्ने फिल्म ‘छत्तिसको आँकडा’ मा सँगै काम गर्दैछन् ।
‘उपहार’ फिल्ममा सँगै देखिएका यी दुईको जोडीलाई दर्शकले निकै मन पराएका थिए । त्यसैले, अब फेरि उनीहरुलाई एकसाथ हेर्न दर्शकहरु उत्साहित छन् ।
फिल्मको आधिकारिक पोस्टर सुटिङ भइसकेको छ र यसको छायांकन यही शनिबार श्रीकृष्ण जन्माष्टमीको शुभ अवसरमा सुरू हुने तयारी छ । काइट्स इन्टरटेन्मेन्टको ब्यानरमा बन्न लागेको यस फिल्ममा रेखा र पूजासँगै अभिनेता महेश त्रिपाठीको पनि मुख्य भूमिका रहनेछ ।
@parikalanewsofficial
Discussion about this post