आठपहरीया भाषाको संरक्षण र प्रचारको उद्देश्यले ‘माखनडासे’ गीतको भिडियो सार्वजनिक

इटहरी/ बिच्छा आठपहरीयाले तयार गरेको नयाँ गीतको भिडियो ‘माखनडासे’ सार्वजनिक गरिएको छ । यो गीत आठपहरीया भाषाको संरक्षण र प्रचारप्रसारका लागि महत्वपूर्ण प्रयास भएको गीत तथा भिडियो निर्माण युनिटले जनाएको छ । आठपहरीया समुदायको समृद्ध इतिहास र सांस्कृतिक पहिचानलाई विश्वसामु चिनाउन यस गीत तथा भिडियोमार्फत विभिन्न आठपहरीय स्थानहरू, परम्परा र संस्कृतिलाई समेटिएको छ ।

‘माखनडासे’ गीतको शब्द तथा सङ्गीत बिच्छा आठपहरीयाले लेखेका हुन् भने यसलाई शिशिर आठपहरीयाले स्वर दिएका छन् । संगीत संयोजन मनोज सङ्ग्सोन राईले गरेका छन् भने सार्वजनीक भिडियोको छायांकन र सम्पादन योगेश नेवारले गरेका छन् । गीतको अडियो मिक्स र मास्टरिङ राजु कार्कीले गरेका हुन् । हेर्नुस् भिडियो ।

यस गीतको भिडियोमा प्रथम आठपहरीया, स्पर्श आठपहरीया, युकेश श्रेष्ठ, नमर्ता आठपहरीया, निरुता राई, सङ्गम आठपहरीया, आशिका आठपहरीया, सन्देश आठपहरीया, सोफिया आठपहरीया, युवराज आठपहरीया र मेनुका आठपहरीया फिचर्ड छन् । यो भिडियोको निर्देशन पुजा तामाङ र बिच्छा आठपहरीयाले गरेका हुन् ।

भिडियो छायाङ्कनको व्यवस्थापन सोनिया आठपहरीया र वर्षा आठपहरीयाले गरेका छन् भने यातायातको जिम्मेवारी रुद्र भदुर राईले सम्हालेका छन् । प्रकाश र ध्वनिको संयोजन नवराज पराजुली, सन्दीप श्रेष्ठ र हिमाल श्रेष्ठले गरेका छन् । भिडियोमा विशेष अतिथि कलाकारको रुपमा राजेन्द्र आठपहरीया, जेम्स आठपहरीया, विशाल आठपहरीया र आसिस आठपहरीया रहेका छन् । यस गीत तथा भिडियोले आठपहरीया भाषाको संरक्षण र यसको सांस्कृतिक महत्त्वलाई थप उजागर गर्ने विश्वास निर्माण टिमले गरेको छ ।

@parikalanewsofficial