इटहरी/ केही समयअघि प्रदर्शनमा आएको फिल्म ‘ह्रस्वदीर्घ’ मार्फत एकसाथ देखिएका नीता र विपनाले अब ‘सुख दुःख’मा सहकार्य गर्न लागेका छन् । नीता ढुङ्गानाको निर्देशनमा बन्ने यो फिल्म ‘सुख दुःख’मा विपनालाई हालै कलाकारको रूपमा अनुबन्ध गरिएको निर्माण पक्षले जानकारी दिएको छ ।
यसअघि चर्चित कलाकार मिथिला शर्मा र मदनकृष्ण श्रेष्ठलाई पनि यो फिल्ममा अनुबन्ध गरिसकिएको छ भने अन्य कलाकार चयनको प्रक्रिया अझै जारी छ । निर्देशक ढुङ्गानाका अनुसार प्राविधिक टिम पनि लगभग तय भइसकेको छ ।
@parikalanewsofficial
भारतीय छायाँकार कवीरलाल र शाहिदलालले फिल्मको छायांकन गर्ने तयारी छ । आगामी फागुनदेखि छायांकन सुरु गर्ने योजनामा रहेको फिल्म ‘नीता फिल्म्स’को ब्यानरमा निर्माण हुँदैछ । फिल्मलाई आगामी वर्षको दसैंको फूलपातीको अवसर पारेर फिल्म प्रदर्शनमा ल्याउने निर्माण पक्षको लक्ष्य छ ।
Discussion about this post