दशैँ टीकाको भोलिपल्टै देखि मुस्ताङमा ‘कबड्डी ५’ को छायांकन गरिने

इटहरी/ नेपाली फिल्म क्षेत्रले पुनः एकपटक ‘कबड्डी’को स्वाद चाख्न पाउने भएका छन् । सफल फिल्म ‘कबड्डी’को पाँचौं श्रृंखला निर्माण गरिने भएको छ । दशैंको टीकाको भोलिपल्टदेखि नै मुस्ताङमा छायांकन थालिने फिल्म युनिटको तयारी रहेको छ । जहाँ निर्देशक रामबाबु गुरुङ, अभिनेता दयाहाङ राई र नायिका मिरुना मगरसहितको टिम पुग्नेछन् ।

अभिनेता विजय बरालले पनि ‘तिहार पछिसम्म हामी उतै छायांकनमा हुनेछौं’ भन्दै तयारी तीव्र रहेको जनाएका छन् ।
निर्देशक गुरुङ अहिले स्क्रिप्ट लेखनमा केन्द्रित छन् भने कबड्डी का शीर्ष कलाकारहरूलाई निरन्तरता दिइनेछ । यद्यपि केही कलाकार फेरबदल हुने संकेत पनि उनले दिएका छन् ।

@parikalanewsofficial

अघिल्ला चार श्रृंखलाले घरेलु बक्स अफिसमा ठूलो सफलता प्राप्त गरिसकेकाले ‘कबड्डी ५’ले पनि दर्शक रिझाउन सक्छ भन्ने अपेक्षा गर्न सकिन्छ । यसैबीच, गुरुङकै निर्माण कम्पनी बाँसुरी फिल्म्सको अर्को लोकप्रिय फिल्म ‘जारी’को दोस्रो भाग पनि आउने तयारीमा छ । संविधान दिवसको अवसर पारेर दशैं लक्षित गर्दै ‘जारी २’ असोज ३ गतेबाट प्रदर्शनमा आउनेछ । ‘कबड्डी ५’ र ‘जारी २’ मार्फत बाँसुरी फिल्म्सले फेरि एकपटक धमाका मच्चाउने संकेत देखिएको छ ।