कार्की साइँला छाडेको छैन, दशैंमा परिवारसँग बस्न नपाउने भएपछि परालको आगो छाडे: जीतु नेपाल

इटहरी/ पछिल्लो समय जितु नेपाल फिल्ममा टिक्न नसकेको चर्चा छ । लगातार २ फिल्मबाट बाहिरिएको हल्ला सँगै उनले भिडियो मार्फत यो कुरालाई प्रष्ट्याएका छन् । बिहीबार राति सामाजिक सञ्जालमा एक भिडियो पोष्ट्याउँदै आफूले परिवार सँगै दशैं मान्न नसक्ने अवस्था सिर्जना हुने भएपछि बाध्यतावस परालको आगो फिल्म छोड्नु परेको बताएका छन् ।

यो फिल्मको छायाङकन सर्दै सर्दै दशैँको पेरिफरी मा छायांकन हुने र घरमा दशैँ मनाउन नपाउने स्थिति भएपछी सल्लाह मै फिल्म छाडेको र निर्माण युनिट सँग कुनै पनि खटपट नभएको उनको भनाइ छ । घरमा यसपटक टिका लगाउन नपाएपनि हरेक वर्ष दशैमा परिवार सँगै रहने भएकाले यसपटक पनि परिवार भन्दा बाहिर बस्न नसक्ने उनको भनाइ छ ।

यता ‘कार्की साइँला’ फिल्मबाट आफू नबाहिरिएको प्रष्ट्याएका छन् । बर्खाको कारण फिल्म सरेको र उपयुक्त समयमा यो फिल्मको छायांकन हुने उनले बताए । ३६ सालको गहन कथा देखाउनु पर्ने भइसकेपछि लेखाइ एकदम राम्रो भएपनि बनाउन एकदम गार्हो हुने भएकोले मलाई लिई सकेपछि यो फिल्मलाई कमेडी फ्लेभरमा लैजाऊ भनेर टिमलाई प्रस्ताव गरेको बताए ।

@parikalanewsofficial

त्यसो गर्दा बनाउन पनि अलि सहज हुन्छ भन्ने हिसाबले स्क्रिप्ट मा केहि हेरफेर भएको उनले स्वीकार गरे । यसमा अरूको स्वार्थ के हो आफूलाई थाहा नभएको र आफ्नो स्वार्थ भनेको फिल्म राम्रो बनोस् र निर्माता सुरक्षित रहोस् भन्ने मात्रै रहेको उनको भनाइ छ ।

धरान चतराको कोशीमा चल्ने डुङ्गामा जाने आउने सिन पनि फिल्ममा रहेको कारण सो दृश्य कैद गर्न बर्खाको कारण समस्या हुने भयो, साथै बाटो पनि बिग्रेको पाइएपछि निर्माता बालकुमार राईले नै यसलाई अलिकति पछि गरौँ न त जीतु जी भनेपछि निर्माता सँग एकदम सरसल्लाह मै सरेको हो, आफू आउट नभएको उनले बताए ।आफूले यो फिल्मबाट पारिश्रमिक पनि लिइसकेको उनको भनाइ छ ।