अन्जली अधिकारी, बिना राउत र जुना कार्कीको ‘कतिमा राम्री’मा ठुम्का

इटहरी/ हरितालिका तीज नजिकिँदै गर्दा मौलिक र सन्देशमूलक तीज गीतहरूप्रति चासो बढ्दै गएको छ । यही क्रममा अभिनेत्रीहरू अन्जली अधिकारी, बिना राउत र जुना कार्कीले अभिनय गरेको तीज गीत ‘कतिमा राम्री’ को भिडियो सार्वजनिक भएको छ । गीतमा कृष्णहरि बरालको शब्द, हरि लम्सालको संगीत र माधवी अर्यालको आवाज रहेको छ ।

माइतीघरमा तीज मनाउँदाको रमाइलो क्षणहरूलाई समेटिएको यस गीतले पछिल्लो समय बजारमा हावी भएका विकृति र अश्लीलता बोकेका तीज गीतहरूबाट आजित दर्शकहरूलाई राहत दिने दाबी निर्माण पक्षले गरेको छ । गीतको संगीत संयोजन कुशल सिंहले गरेका हुन् भने भिडियोको निर्देशन केशव भट्टले गरेका हुन् । हेर्नुस् भिडियो ।

अजय रेग्मीको छायांकन र विष्णु खड्काको सम्पादन रहेको भिडियो माधवी अर्यालको अफिसियल युट्युब च्यानलमार्फत सार्वजनिक गरिएको हो । गायिका अर्यालले गत वर्ष पनि ‘माइतै रमाइलो’ बोलको तीज गीत ल्याएकी थिइन्, जसले दर्शकको अत्यधिक माया पाएको थियो । यसपटकको ‘कतिमा राम्री’ ले पनि तीजको मौलिकताको स्वाद दिन सक्ने अपेक्षा गरिएको छ ।