इटहरी/ धरान उपमहानगरका मेयर हर्क साम्पाङको कमजोरीको बारेमा औल्याउँनै पाइदैन । औल्यायो कि गाली खाने पक्का । उनको कामको तारिफ गर्नैपर्छ । नगर प्रमुख जस्तो पदमा रहेर पनि सामान्य नागरिकको स्थानमा रहेर उनले गर्ने काम तारिफयोग्य छ । तर, उनका स्ट्याटस र गलत मानसिकताले एकआपसमा भिडाउने कार्य भैरहेको बुझ्न सकिन्छ । अहिले धर्मको बारे सामाजिक संजालमा उनको अभिव्यक्तिले तरङ्ग पैदा गरिरहेको छ । उनले सकारात्मक भन्दा नकारात्मक प्रतिक्रिया पाईरहेका छन् । सबैको तारिफ खादैगर्दा साम्पाङ कहि कतै चुक्दै चुक्दैनन् भन्न सकिन्छ र ?
अहिले कुरा गर्न लागेको प्रसङ्ग हो भर्खरै उनले रद्ध गरेको युके यात्राको बारे । ‘गोर्खा वारियर’को आउदो सेप्टेम्बर १० अर्थात आगामी भदौ २४ गते बेलायतमा प्रिमियर कार्यक्रममा उनी जाने कार्यक्रम तय भएको थियो । उनको उपस्थिति त्यति मात्रै हैन, मुख्य रुपमा उनलाई युकेमा गरिने विभिन्न च्यारीटिबाट धरान विकासको लागी लाखौ रकम आउने सम्भावना रहेको थियो । हुनत, मेयर हर्कले पनि यसपटक आउन नपाएकोमा दुख व्यक्त गरेका छन् । हेर्नुस् यो समाचारसंग सम्बन्धीत रहेर तयार गरिएको हाइलाइट्स कार्यक्रम ।
उता आयोजकले तय गरेको साम्पाङ उपस्थित हुने सम्पुर्ण च्यारिटीहरु रद्ध गरेको आयोजक चाम्स इन्टरटेन्मेन्ट तथा गोर्खा वारियर निर्देशक मिलन चाम्सले जानकारी गराए । उनका अनुसार धरान विकासका लागी युकेबाट थोरैमा २५ लाख रकम उठ्ने पक्का भैसकेको थियो । तर, मेयर साम्पाङको युके यात्रा रद्ध भएसंगै सो रकम पनि रोकिएकोमा निर्देशक चाम्सले दुख व्यक्त गरे । आयोजक आफू र आफ्नो कम्पनी रहेको हुनाले मेयर साम्पाङले आफुलाई जानकारी नगराई फेसबुकमा पोस्ट गरेकोमा समेत दुखेसो पोखे । युकेवासी नेपालिहरुबाट धरान विकासको लागी ठूलो सहयोग गरेका छन् । मेयर हर्कले युके आउदैछु भनेर भिडियो सन्देश पनि दिएका थिए ।
Discussion about this post