इटहरी/ पटक पटक विवादमा आएको टेलिभिजन कार्यक्रम व्हाट्स द फ्लप पुर्ण रुपमा बन्द भएको छ । कान्तिपुर टेलिभिजन एचडीमा कमेडियन सन्दीप क्षेत्रीले संचालन गर्दै आईरहेको उक्त कार्यक्रमको केहिअघिको एक एपिसोड विवादमा परेको थियो । गत असार २३ गते अभिनेता पल शाह लाई अतिथि बनाएको कार्यक्रममा संबेदनसिल कुरा माथी मजाक गरेको भन्दै सामाजिक संजालमा चर्को विरोध भएको थियो । विवादमा परेपछि पनि एक अर्को एपिसोड प्रसारण भएको थियो ।
हाल उक्त टेलिभिजनले एक सुचना जारी गर्दै उक्त कार्यक्रमको उत्पादन तथा प्रसारण रोकेको जनाएको हो । बिहिवार सामाजिक संजालमा जारी गरिएको सुचनामा महिलाको स्वाभिमान र समाजको चेतनालाई सम्मान गर्दै कार्यक्रमको उत्पादन र प्रसारण पूर्णतः रोकिएको भनिएको छ । उक्त समयमा चाडैं नै अर्को उत्कृष्ट कार्यक्रम लिएर आउने समेत सुचना मार्फत जानकारी गराईएको छ । अभिनेता शाहसंगको उक्त अन्तर्वार्ता विवादित भएपछि युट्युबबाट हटाइएको थियो ।
Discussion about this post