इटहरी/ भारतको जयपुरमा अगस्ट ३ देखि ९ सम्म आयोजना हुने सौन्दर्य प्रतियोगिता ‘मिस टिन अर्थ २०२५’ मा प्रिन्सेस मल्लले नेपालको प्रतिनिधित्व गर्ने भएकी छन् । यो प्रतिष्ठित अन्तर्राष्ट्रिय सौन्दर्य प्रतियोगिता ‘मिस टिन अर्थ २०२५’ मा ‘एस अफ मोडेल्स अन फायर’ नामक नेपालकै अग्रणी मोडलिङ प्रतियोगिताको उपाधि जित्दै उनले यो यात्रा तय गरेकी हुन् ।
यस उपाधिसँगै उनले आफ्नो आत्मबल, कडा परिश्रम र प्रतिभा प्रमाणित गरेकी छन् । साउन १५ गते जयपुर प्रस्थान गर्ने तयारीमा रहेकी प्रिन्सेसले ‘क्याप्चर फोटोग्राफी नेपाल’को तर्फबाट सहभागी हुने छिन् । यस संस्थाको निर्देशन पविन्द्र श्रेष्ठ हुन्, जसले देशभित्र थुप्रै सौन्दर्य प्रतियोगिता र मोडलिङ कार्यक्रमको आयोजना गर्दै आएको छ ।
यही संस्थामार्फत प्रिन्सेसलाई अन्तर्राष्ट्रिय मञ्चका लागि तयारी गराइएको हो । उनको कोरियोग्राफी र स्टेज तालिमको जिम्मा अजय गुरुङ र रोहन श्रेष्ठले लिएका छन् । नेपालका युवा पुस्ताले देखाएको प्रतिभा विश्वसामु उजागर गर्न सक्ने क्षमतासहित प्रिन्सेस मल्ललाई धेरैले सफलताको शुभकामना व्यक्त गरेका छन् ।
@parikalanewsofficial
Discussion about this post