इटहरी/ कमेडीका माध्यमबाट टेलिभिजनमा दर्शकको मन जितिसकेको हास्य शृंखला ‘कमेडी दरबार’ अब फिल्म हलमा दर्शकलाई हँसाउने तयारीमा जुटेको छ । शोको टिमले आफ्नो पहिलो फिल्म ‘क का कि की’ को थिम पोस्टर सार्वजनिक गर्दै आधिकारिक रुपमा फिल्म निर्माणको घोषणा गरेको हो । कमेडी शैलिमा निर्माण हुने यस फिल्ममा नेपाली फिल्म जगतका चर्चित अनुहारहरू रेखा थापा, गौरी मल्ल, तृप्ति नदकर र महेश त्रिपाठी प्रमुख भूमिकामा देखिनेछन् ।
यस्तै, डिजिटल माध्यमबाट चर्चामा आएका मिस पबी, पवन खतिवडा, हिमेश पन्त, सुजता श्रेष्ठ, विश्वास तिम्सिना र सीडी विजय अधिकारीको पनि फिल्ममा विशेष भूमिका रहनेछ । फिल्मको निर्देशन विक्की अग्रवाल र श्रद्धा प्रसाईँले संयुक्त रूपमा गर्नेछन् भने निर्माता श्रद्धा प्रसाई र सुमित्रा थापा हुन् । विक्की अग्रवाल, विकास अर्याल र सरोज भण्डारीको लेखनमा आधारित फिल्मको पटकथा विक्की आफैंले तयार पारेका छन् ।
छायांकन निर्देशकको रूपमा सुदिप बराल रहनेछन् भने थिम पोस्टर रोयल भिमसेनले तयार पारेका हुन् । फिल्मको नेपाल वितरण श्री वेंकेटेश, अन्तर्राष्ट्रिय वितरण सेवेन सिज र डिजिटल अधिकार ओएसआर डिजिटलले लिने पक्का भएको छ । निर्देशक अग्रवालका अनुसार फिल्मको छायांकन दशैंको टिकाको भोलिपल्ट बाट सुरु हुनेछ । यद्यपि फिल्मको बजेट र रिलिज मिति हाल गोप्य राखिएको छ ।
@parikalanewsofficial
Discussion about this post