‘बिस्ताराले पोल्यो’को दोश्रो भाग 'खान्याइदेऊ पनि’ सार्वजनिक, पुनः बोल्ड देखिईन् संचिता बोलाखे

इटहरी/ गतवर्ष तिजको अवसरमा सार्वजनिक भई आलोचना र चर्चाको केन्द्रमा रहेको गीत ‘बिस्ताराले पोल्यो’को दोस्रो भाग सार्वजनिक भएको छ । गायक तथा सर्जक हरि गिरी विमर्शीको प्रस्तुति रहेको ‘बिस्ताराले पोल्यो २: खान्याइदेऊ पनि’ शीर्षकको यो गीत युट्युबमार्फत सार्वजनिक भएको हो । गीतमा हरि गिरी विमर्शी र एलीना चौहानको स्वर रहेको छ भने शब्द, संगीत तथा सम्पूर्ण अडियो निर्माणमा हरि गिरी विमर्शीकै रहेको छ ।

एचबीएन किस्मतले संगीत संयोजन, मिक्सिङ र माष्टरिङ गरेका छन् भने रेकर्डिस्ट राज खड्का रहेका छन् । भिडियोमा रामजी लामिछानेको निर्देशन तथा कोरियोग्राफी रहेको छ । नाम्गेल लामा ‘टाइगर’ सह-नृत्य निर्देशकका रूपमा रहेका छन् । भिडियोमा मोडल संचिता बोलाखे र रमेश विश्वकर्माको अभिनय छ । अजय रेग्मीले खिचेको भिडियोलाई वन्दे प्रसादले सम्पादन र राजेन्द्र मोक्तानले कलर गरेका छन् । हेर्नुस भिडियो ।

मेकअप तथा हेयरको जिम्मेवारी सरोज बुढाथोकी र मेघा शाही सापकोटाले सम्हालेका छन् । गएको वर्षको पहिलो भागबाट मोडल संचिता बोलाखेले छुट्टै चर्चा कमाएकी थिइन् । सामाजिक सञ्जालमा आलोचना र समर्थन दुवै प्राप्त गरेको उक्त गीतले उनलाई नेपाली म्युजिक भिडियो क्षेत्रमा स्थापित मोडलका रूपमा चिनाएको थियो । यस वर्ष पुनः सार्वजनिक भएको दोस्रो भागले पनि दर्शकलाई आकर्षित गरेको छ । निर्माण पक्षले आगामी वर्ष पनि ‘बिस्ताराले पोल्यो ३’ ल्याउने घोषणा गरेको छ ।