रावायण दाह्री ट्रोलमा बोले पल: ‘२/३ सिनको दाह्री ७०/८० सिनमा लगाउँदा निर्देशकले मिलाउन सकेन’

इटहरी/ गतवर्ष सार्वजनिक प्रदर्शनमा आएको फिल्म ‘रामावय’ मा अभिनेता पल शाहले लगाएको दाह्रीका कारण उनी सामाजिक सञ्जालमा ट्रोल बनेका थिए । उनलाई दाह्री सुहाएको छैन भन्दै धेरैले आलोचना गरे । यसबारे चुप लागिरहेका शाहले हालै एक कार्यक्रममा विस्तृतमा बोलेका छन् ।

शाहका अनुसार, फिल्मको टिमले सुरुमा “२ वा ३ ओटा सिनमा मात्र दाह्री लगाउने, त्यसपछि चेन्ज गर्छौं” भनेका थिए । उनलाई पनि कथा अनुसार २–३ सिनभन्दा बढी दाह्री नलगाउने योजना थाहा थियो । तर, भारतबाट मगाइएको एक मात्र दाह्रीमै पूरै सुटिङ सम्पन्न भयो । उनले भने, “एउटा दाह्री ल्याएर सुटिङ सुरु भयो, अर्को दाह्री टिमले मगायो कि मगाएन, मलाई थाहा छैन ।”

त्यो दाह्रीलाई अस्थायी भनेर प्रयोग गरिएको थियो तर “काम चलाउ भन्दै गर्दै गर्दै” फिल्मकै अधिकांश भाग त्यही दाह्रीमा सुट गरियो । शाहले भने, “म र मेकअप आर्टिस्टलाई भनिएको थियो, दाह्री आउँदैछ, अहिले यो लगाएर काम चलाऔं । तर, त्यो एकै दाह्रीमा फिल्म सकियो ।”

@parikalanewsofficial

उनले थपे, “नेचुरल दाह्री नभएकाले बिग्रिएको भन्ने त सुटिङकै बेला थाहा पाइसकेको थियो । तर, निर्माता–निर्देशकले भनेका थिए, हामी पछि मिलाउँछौं ।” तर पोस्ट प्रोडक्सनमा पनि त्यो मिलेन । त्यसैले यो अवस्थामा आफ्नो मात्र गल्ती नभएको उनको तर्क छ । शाह भन्छन्, “आर्टिस्टलाई सुहाउँछ कि सुहाउँदैन भन्ने त निर्देशकलाई थाहा हुनुपर्ने हो ।” उनले आफूले २-३ ओटा सिनका लागि भनेर लगाएको दाह्री अन्ततः पूरै ७०-८० सिनसम्म लगाउनु परेपछि ‘दाह्री, भारी’ भएको तर्क दिएका छन् ।