इटहरी/ सुपरहिट फिल्म ‘१२ गाउँ’ बाट फिल्मी अभिनयमा प्रवेश गरेकी अभिनेत्री सनिशा भट्टराई अब रंगमञ्चमा पाइला टेक्दैछिन् । उनी कान्तिपुर थिएटरद्वारा साउनदेखि मञ्चन हुने नाटक ‘शिरीषको फूल’ मार्फत स्टेजमा डेब्यु गर्न लागेकी हुन् । यस नाटकमा उनी प्रमुख पात्र ‘सकम्बरी’को भूमिकामा देखिनेछिन् । फिल्म र म्युजिक भिडिओमा आफूलाई प्रमाणित गरिसकेकी सनिशाले रंगमञ्चको अनुभवलाई नयाँ अध्यायको रूपमा लिएकी छिन् ।
सामाजिक सञ्जालमा उत्साह व्यक्त गर्दै उनले लेखेकी छिन्, “भिडिओ र फिल्मको कलाकारिता हुँदै ‘शिरीषको फूल’मार्फत रंगमञ्चको स्टेजमा नयाँ यात्राको अनुभव सुरु गर्न जाँदैछु । सकम्बरी मेरो लागि विशेष पात्र हुनेछ।” नाटकमा अर्का आकर्षक अनुहारको रूपमा देखिँदैछन् अभिनेता जीवन लुईंटेल ।
@parikalanewsofficial
एक दशकपछि रंगमञ्चबाट अभिनयमा पुनरागमन गर्न लागेका उनले ‘सुयोगवीर’ पात्र निभाउनेछन् । हाल अमेरिका रहेका जीवन लुईंटेल केही दिनमै नेपाल फर्कने तयारीमा छन् । म्युजिक भिडियोमार्फत उदाएकी सनिशाले पहिलो फिल्म ‘१२ गाउँ’ बाट राम्रो चर्चा बटुलिन् । यद्यपि, दोस्रो फिल्म ‘नरसिंहा: अवतार’ भने बक्सअफिसमा खासै राम्रो प्रभाव जमाउन सकेन । अब भने उनी स्टेजमा ‘शिरीषको फूल’ मार्फत नयाँ चुनौती लिएर प्रस्तुत हुँदैछिन् ।
Discussion about this post