इटहरी/ नेपालमा टिकटक नचलाउने सायदै कम छन् । एकाउन्ट बनाएर नियमित भिडियो पोस्ट गर्ने, लाइभ बस्ने देखि लिएर मनोरञ्जनका लागि टिकटकमा समय बिताउनेहरुको ठुलै जमात छ नेपालमा । भ्युज, फलोअर्स, लाईक र कमेन्टसंगै भाईरल भईन्छ भन्ने लोभले लाईभ र पोस्ट गरिएका भिडियोमा धेरैले अमानवीय वा अश्लील हर्कत गर्नेगर्छन् । तर, यसको अलावा राम्रा तथा दैनिक जिवनमा काम लाग्ने भिडियोहरु पनि टिकटकमा भेटिन्छन् । यस्तै यहि टिकटकबाट साथी बन्दै प्रेमील जोडि बनेर विवाह गर्नेसम्मको चर्चामा पुगेका उदाहरण समेत कयौ छन् ।
यस्तै उदाहरणमा अगाडि आउने नाम हो आयुष सिंह ठकुरी र अलिजेह जमाली । प्रेमलाई न त सिमानाले छेक्छ, नत जात धर्मले छेक्छ भन्ने उदाहरण बनेका छन् यो जोडि । ठकुरी नेपालका हुन् भने जमाली पाकिस्तानि युवती हुन् । उनी हाल दुबईमा बस्छिन् । टिकटक हेरिरहने प्रायःले यो जोडिलाई पक्कै चिन्छन् । यी २ ले अहिले म्युजिक भिडियो समेत सार्वजनिक गरेका छन् । अलिजेहको जन्मदिनको अवसर पारेर आयुषको नाममा खोलिएको युट्युब च्यानलबाट यो भिडियोलाई सार्वजनिक गरिएको छ । प्रेमिल भावको गीतमा यी २ नै फिचर्ड छन् । हेर्नुस् भिडियो ।
एकअर्काको प्रेममा मग्न रहेको भिडियोमा देख्न सकिन्छ भने यी २ रियलमा पनि प्रेम प्रसङ्गमा खुलेका छन् भन्दा फरक पर्दैन् । सुरुवाती चरणमा टिकटक लाईभमा प्रेमको नाटक गरेर फलोअर्स र गिफ्ट कमाउन लागिपरेको धेरैले भने पनि अहिले प्रेमका लागी यो जोडि उदाहरणीय पात्र बनेको छ । एकसमय यो जोडिलाई हेर्न एकसाथ २ लाख भन्दा बढी टिकटक प्रयोगकर्ताहरु लाइभमा जोडिएका थिए । त्यो बेलादेखी यो जोडिको प्रेमचर्चा झनै बढेर गएको हो । जन्मदिनको अवसरमा म्युजिक भिडियो सार्वजनिकसंगै आयुषले अलिजेहलाई थाहै नदिई सर्प्राईज दिन दुबई पुगेका थिए । युट्युबमा भिडियो सार्वजनिक भएको जम्मा ७ घन्टामा १० लाख बढिले हेरेका थिए भने अहिले भिडियोले राम्रो प्रतिक्रिया पाईरहेको छ । सार्वजनिक भिडियोको गीतमा नेपाली र हिन्दी भाषा प्रयोग गरिएको छ । युट्युबको म्युजिक क्याटोगरीमा ट्रेन्डिङको दोश्रो स्थानमा पुगेको उक्त भिडियोलाई अहिले ११ लाख बढी पटक हेरिएको छ ।
Discussion about this post