इटहरी/ टिजर सार्वजनिक भएको तीन दिनमै झण्डै १० लाख भ्युज हासिल गर्दै हास्यप्रधान फिल्म ‘माग्ने राजा’ ले दर्शकमा उल्लेखनीय हाइप बनाएको छ । मुख्य भूमिका निभाएका अभिनेता केदार घिमिरे (माग्ने बुढा) दर्शकको सकारात्मक प्रतिक्रियाबाट उत्साहित छन् । घिमिरे भन्छन्, “टिजरले अपेक्षित जस्तो प्रतिक्रिया पायो, फिल्मका बाँकी प्रचार सामाग्रीले पनि त्यही माया पाउने विश्वास छ ।”
उनका अनुसार ‘माग्ने राजा’ मा पुरानो ‘माग्ने’ पात्रको शैली, लवज र थेगो त देखिन्छ, तर कथामा नयाँपन पनि समावेश गरिएको छ । उनले थपे, “मलाई नयाँ स्वरुपमा देख्न खोज्नु भएको प्रतिक्रिया सकारात्मक रुपमा लिएका छौं । तर यो माग्नेको निरन्तरता स्वरुप बनेको पात्र हो।” निर्देशक ऋषि लामिछानेका अनुसार टिजरले दर्शकलाई फिल्म हेर्ने उत्सुकता जगाएको छ । “टिजरले टिज गर्ने काम गरेको छ,” । हेर्नुस् टिजर ।
उनले भने, “केदार घिमिरेलाई मुख्य भूमिकामा देखाउने निर्णयमा ढुक्क हुन समय लाग्यो, तर दर्शकको प्रतिक्रियाले त्यो दुविधा हटाइदिएको छ ।” उनका अनुसार फिल्मको कथा माग्ने पात्र वरिपरि घुमेकोले प्रचार सामाग्रीमा पनि त्यही अनुहार प्रमुख रहनेछ । ‘माग्ने राजा’ मा हास्यरस मिसिएको सामाजिक कथा रहने निर्देशक लामिछाने बताउँछन्, “हामीले माग्ने पात्रलाई एउटा नयाँ कथासँग जोडेर, स्पिन अफको शैलीमा प्रस्तुत गरेका छौं । दर्शकले पनि त्यही हिसाबले बुझिदिनुहुन्छ भन्ने आशा छ ।”
फिल्ममा केदार घिमिरेसँगै विल्सन विक्रम राई, वर्षा सिवाकोटी, शिशिर वाङदेल, शारदा गिरी लगायत कलाकारको अभिनय रहेको छ भने, नरेन्द्र मैनालीको छायांकन र मुनाल घिमिरेको लगानी रहेको छ । आगामी भदौ ६ गते देशभर रिलिज हुन लागेको फिल्म अहिले टिजरकै भरमा चर्चा र विश्वास कमाउन सफल देखिन्छ ।
@parikalanewsofficial
Discussion about this post